Alan Alborn
Alan Jacob Alborn (* 13. Dezember 1980 in Anchorage, Alaska) is en ehmalger US-amerikaansch Skispringer.
Siet 2001 hollt he den US-Rekord in’t Skifleegen mit 221,5 m wat he in Planica, Slowenien, schafft hett. Alborn weer över Johren de bedüüdenst Skispringer vun de USA un söss Johr lang Liddmaat vun de Natschonalmannschap. Veer Mal weer he amerikaansch Meester in’t Skispringen.
Alborn weer all mit 17 Johren Deelnehmer an de Olympisch Spelen 1998 in Nagano un nehm ok veer Johr later an de Olympisch Spelen in Salt Lake City deel.
In’ Weltcup weer de Saison 2001/02 mit en 20. Platz in dat Gesamtklassement sien bither spoodriekste. In’ März 2003 muss he wegen immer weer uptreeden Kneeproblemen- un operatschonen vun den Wettkampsprt torüchtreeden.
En Johr later geev he en Comeback, kreeg aber weer Probleme mit sien Knee. He hett dat denn aber doch noch schafft 2006 an sien darte Olympisch Spelen, ditmal in Turin deeltonehmen. Nah de Saison 2006/2007 hett he sien aktiv Loopbahn afslooten.
Wat he schafft hett
ännernWeltcupplatzeeren
ännern| Saison | Platz | Punkte |
|---|---|---|
| 1998/99 | 58 | 21 |
| 1999/00 | 54 | 34 |
| 2000/01 | 55 | 42 |
| 2001/02 | 20 | 263 |
| 2002/03 | 63 | 17 |
| 2004/05 | 91 | 1 |
| 2005/06 | 76 | 5 |