Alan Clark (Musiker)

Alan Clark (* 5. März 1952 in Great Lumley, County Durham) is en britisch Musiker un weer van 1980 bit 1995 Keyboarder vun de britisch Rockband Dire Straits.

1980 is Clark to de Band as Keyboardverstärkung för de On-Location-Tour vun de Grupp för dat Album Making Movies kommen. Up Love over Gold weer he to'n eersten Mal mit den Dire Straits up en Album to hören. He bleev in de Band bit to hör (nich offiziell) Uplösen 1995.

1980 weer Clark offiziell Liddmaat vun de Newcastler Folk-Rock-Grupp Lindisfarne un speel mit de Band ünner annern bi dat Knebworth Festival an' 21. Juni. Dat Angebot vun de Dire Straits, bi hör mittospelen, kunn he denn aber doch nich utslahn. To'n Anlaat vun den teihnten Doodsdag vun Alan Hull, den Singer un Songwriter vun Lindisfarne, geev dat 2005 in de Newcastle Cityhall en „Memorial Concert“, an dat Clark as Liddmaat vun en Lindisfarne/Newcastle Allstar Band deelnommen hett.

In' Februar 2008 weer Clark weer Gast in Newcastle to'n Anlaat vun dat Benefizkonzert „Sunday for Sammy“. Oorsprünglich sull dor ok Mark Knopfler uptreden, aber de harr sück en Angelhaken in den Finger jaagt un so wurr dor nichts vun.

Alan Clark speel buterdem de Keyboards för völ Filmsoundtracks vun den Dire-Straits-Kopp Mark Knopfler (to'n Bispeel för den Film Local Hero). He hett ebenfalls mit Knopfler sien Bröer David tosommen arbeit un speel up de sien Solo-Alben.

Weblenken

• Alan Clark's Homepage (engelsch)