Hauptmenü öffnen

WerdegangÄnnern

UtbillenÄnnern

Poindexter kreeg 1986 en Bachelor in Luft- un Ruumfohrttechnik vun dat Georgia Institute of Technology un 1995 en Master as Luftfohrttechniker vun de Naval Postgraduate School in Kalifornien.

Nahdem he sien Bachelor-Diplom kreegen harr, is Poindexter in de US Navy intreden un wurr in Florida to'n Piloten utbild. Dornah kreeg he noch en Utbillen up Kampjets vun den Typ F-14 Tomcat. Mit de Fighter Squadron 211 wurr he tweemal in den Persischen Gulf schickt un floog ok Insatzen in den Tweeten Gulfkrieg. Ansluutend kreeg he noch en Utbillen as Testpiloten un weer denn up den Stüttpunkt Patuxent River in Maryland beschäftigt un dor mit en digital Kontrollsystem för de F-14 befaat.

AstronautentätigkeitÄnnern

In' Juni 1998 wurr Poindexter vun de NASA as Astronautenanwärter utwählt. He hett denn twee Johr lang en Grundutbillen dörloopen un wurr dornah Baas vun de Astronautenunterstüttennsmannschaapen (so nömmt Cape Crusaders) an dat Kennedy Space Center.

STS-122Ännern

Af Sömmer 2006 hett Poindexter för sien eersten Ruumfloog as Pilot vun de Shuttle-Mission STS-122 traineert, de in' 2008 dörführt wurr. Hööftbruuklast weer dat europäisch Ruumlabor Columbus, dat an de Internatschonale Ruumstatschoon andockt wurr. De Mission düer van 7. bit to'n 20. Februar 2008.

STS-131Ännern

An' 5. Dezember 2008 wurr Poindexter as Kommandant för de Mission STS-131 ankünnigt.[2] De Mission düer van 5. April 2010 bit 20. April 2010.[3]

Afsluss vun de AstronautenloopbahnÄnnern

Am 10. Dezember 2010 hett Poindexter dat NASA-Astronauten-Korps verlaaten, um an sien fröhere School, de Naval Postgraduate School in Monterey, Kalifornien, as Utbilder to arbeiten.[4]

PrivatesÄnnern

Poindexter, de verheiraadt weer un twee Kinner harr, weer de Söhn vun de ehmalgen Sekerheitsberader vun US-Präsident Ronald Reagan, John Poindexter. He is an' 1. Juli 2012 bi en Watersportunfall to Dood kommen.

WeblenkenÄnnern

  Alan G. Poindexter. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahweisenÄnnern

  1. Retired Astronaut Dies In Pensacola Beach Jet Ski Accident
  2. http://www.nasa.gov/home/hqnews/2008/dec/HQ_08-321.html], NASA Assigns Astronaut Crews for Future Space Shuttle Missions, NASA, 5. Dezember 2008, Togreep an' 7. Dezember 2008 (engelsch)
  3. NASA: [1], engelsch, STS-131 Mission Information, 20. April 2012
  4. http://www.nasa.gov/home/hqnews/2010/dec/HQ_10-331_Poindexter_Departs.html, Astronaut Alan Poindexter Leaves NASA, NASA, van' 13. Dezember 2010, afropen an den sülvigen Dag (engelsch)