Hauptmenü öffnen
Alexander Tichonow in Khanty-Mansyisk 2007

Alexander Iwanowitsch Tichonow (russisch Александр Иванович Тихонов; * 2. Januar 1947 in Uiskoje, Oblast Tscheljabinsk) is en ehmalger russisch Biathlet un siet Mai 2002 Viezpräsident vun de Internationalen Biathlon-Union (IBU).

Inholtsverteken

BiathlonkarriereÄnnern

Alexander Tichonow is en vun de spoodrieksten Biathleten in de Historie. Van 1968 bit 1980 hör he veer Mal in Reeg do de sowjeetsch Goldmedaillen-Staffel. Mit veer olympisch Goldmedaillen is Tichonow dormit nah Ole Einar Bjørndalen gemeensam mit de Düütschen Ricco Groß un Sven Fischer de tweet spoodriekst Biathlet be Olympisch Winterspielen. En olympisch Eenzelgoldmedaille hett Tichonow aber nie nich reckt, 1968 wunn he mit de Sülvermedaille in dat Eenzelrennen sien eenzig Eenzelmedaille.

Ok bi Weltmeesterschapen weer Alexander Tichonow bannig spoodriek. Mit all tosommen elf Goldmedaillen, söss dorvan mit sowjeetsch Staffeln, is he, meeten an de Antall vun de Gesamtgoldmedaillen gemeensam mit den Düütschen Frank Luck spoodriekst Athlet bi Weltmeesterschapen. Sien eerste Medaille wunn Tichonow 1967 mit de Sülvermedaille in dat Staffelrennen. Van 1969 bit 1977 kunn he, mit Utnahm vun 1975, bi jeder Weltmeesterschap mindst en Goldmedaille winnen. Van 1969 bit 1974 weer he fiev Mal in Reeg mit de sowjeetsch Staffel baben up dat Podest. Bi sien spoodriekst Weltmeesterschap reck Tichonow 1977 twee Goldmedaillen in‘ Sprint un mit de sowjeetsch Staffel as ok en Bronzemedaille in‘t Eenzel.

Tätigkeiten as FunktschonärÄnnern

Tichonow ist o Tiet Präsident vun den russischen Biathlon-Verband. In disse Funktschoon is he düchtig umstreeden, nich toletzt wegen verscheeden unklar, umstreeden un sülvstherrlich Entscheedungen, as dat Afsetten vun den Fruen-Natschonaltrainer Waleri Polchowski, de nah en Entscheedung vun den russischen Sportverband weer insett wurrn muss.[1].

In de Johren 2000 bit 2002 wurr in Russland gegen Tichonow ermittelt, wiel he in Verdacht stunn, gemeensam mit sien Bröer Wiktor Tichonow un den Ünnernehmer Michail Schiwilo to de Axhterlüüd vun en versöchten Mordanslag up den Gouverneur vun de Oblast Kemerowo Aman Tulejew to hörrn. 2007 wurr he för schuldig befunnen u nto dree Johren Gefängnis veroordeelt. Wegen en Amnestie wurr Tichonow aber sofort weer up free Foot sett. Mittlerwiel lett de Internatschonale Biathlon-Union (IBU) prüfen, of se hör eersten Viezpräsidenten wegen dat Oordeel in Nowosibirsk ut sien Amt jagen könnt, allerdings hett de IBU twee Termine för en Entscheedung ahn konkret Ergevnis verstrieken laaten.

Wat he schafft hettÄnnern

  • Olympisch Winterspelen:
    • 1968: 1x Gold (Staffel), 1x Sülver (Eenzel)
    • 1972: 1x Gold (Staffel)
    • 1976: 1x Gold (Staffel)
    • 1980: 1x Gold (Staffel)
  • Weltmeesterschapen:
    • 1967: 1x Sülver (Staffel)
    • 1969: 2x Gold (Einzel, Staffel)
    • 1970: 2x Gold (Eenzel, Staffel)
    • 1971: 1x Gold (Staffel), 1x Sülver (Eenzel)
    • 1973: 2x Gold (Eenzel, Staffel)
    • 1974: 1x Gold (Staffel)
    • 1975: 1x Sülver (Staffel)
    • 1976: 1x Gold (Sprint)
    • 1977: 2x Gold (Sprint, Staffel), 1x Bronze (Eenzel)
    • 1979: 1x Sülver (Eenzel), 1x Bronze (Staffel)

WeblenkenÄnnern

Enkeld NahwiesenÄnnern

  1. [1] Polhovsky wieder im Amt - Kritik an Tichonov, biathlon-online.de van‘ 1. Juli 2007, afropen an‘ 11. September 2012