Alexander Wassiljewitsch Priwalow
Alexander Wassiljewitsch Priwalow (russisch: Александр Васильевич Привалов); * 6. August 1933 in Pjatniza, Rajon Solnetschnogorsk, Oblast Moskau; dood upfunnen an'n 19. Mai 2021) weern en sowjeetsch Biathlet.
Priwalow lhett bi sien Inträe in de Armee de Militärpatrouille kennen lernt, disse Wettbewarf hörr dor to de begäng Sportwettbewarfen. He harr in de Jöögd Langloop bedreeven, weer vun den Scheetsport begeistert un fung as 23-Johriger mit de noch jung Sportoort Biathlon. He is för den Vereen Dynamo Moskau antreeden un woog to sien Aktiventeit 85 kg bi en Körpergrött vun 1,83 m. All glieks bi sien eersten Wettkamp wurr he nah blots twee Scheetfehler Tweet. He qualifizeer sück för de Sbornaja un nehm an de Biathlon-Weltmeesterschapen 1959 in Courmayeur deel. Bi den Sieg vun Wladimir Melanin keem he up den 11. Platz. Spoodrieker weer he dat Johr dornah. He wunn de Bronzemedaille bi de Premiere vun den Biathlonsport bi de Olympisch Winterspelen 1960 in Squaw Valley.[1] Wiel he so goot Scheeten kunn wurr he de best vun dat sowjeetsch Quartett achter Olympiasieger Klas Lestander un Antti Tyrväinen un wunn dormit de eerste sowjeetsch Biathlon-Medaille bi Olympisch Spelen. 1961 wunn Priwalow twee Sülvermedaillen bi de Weltmeesterschap. In' Eenzel wurr he blots vun Kalevi Huuskonen slahn un weer gemeensam mit Walentin Pschenizyn un Dmitri Sokolow ok Tweet bi noch inoffiziellen Staffelwettbewarf achter de Finnen.
Noch mehr Vördeelen vun sien Scheetstärke harr he bi de Olympisch Winterspelen 1964 in Innsbruck. Ofschons he ünner 46 Deelnehmer blots de 16. Looptiet recken dee, wunn he dank fehlerfree Scheetleistung de Sülvermedaille achter sien ebenfalls fehlerfree bleeven Mannschapskameraden Wladimir Melanin un hett Olav Jordet up Platz dree verwiest.[2][3]
Priwalow wurr UdSSR-Meester in' Eenzel 1960, 1961 (fraglich), 1964 un 1965 as ok 1966 mit der Staffel. Nah dat Enn vun sien Loopbahn hett he en Utbillen an dat Moskauer Institut für Körperkultur un Sport afslooten un wurr Trainer. Af 1966 traineer he tonächst de sowjeetsch, later de russisch Mannschap. Bi de Olympisch Spelen 1968, 1972 1976 un 1980 weer he de verantwortlich Trainer vun de Sowjetunion, 1994 weer he för de russisch Fruenmannschap tostännig. Priwalow weer verheiraadt mit Jelena Priwalowa un harr twee Kinner.
In'n Mai 2021 weer Priwalow to en plaant Ünnersöken in't Krankenhuus un wurr an'n 17. Mai entlaaten. An den Avend vun den Entlaatensdag hett he nich up Anroopen reageert un vun sien Verwandten weer ok nümms bi hüm. As an'n 19. Mai de Döör vun sien Wahnen apen maakt wurr, hett man Priwalow dood Upfunnen.[4]
Weblenken
ännern- Alexander Priwalow in de Datenbank vun Sportsreference.com (engelsch)
- Billergalerie mit Photos ut dat Leven un de Karriere vun Priwalow (russisch)
- Porträt un Interview mit Alexander Priwalow (russisch)
Enkeld Nahwiesen
ännern- ↑ http://www.databaseolympics.com/games/gamessport.htm?g=34&sp=BIA, 1960 Winter Olympics – Squaw Valley, United States – Biathlon, databaseOlympics.com, engelsch, van' 20. Mai 2010
- ↑ http://www.sports-reference.com/olympics/winter/1964/BIA/mens-20-kilometres.html, Biathlon at the 1964 Innsbruck Winter Games: Men's 20 kilometres, Sports Reference LLC, engelsch, van' 20. Mai 2010
- ↑ http://www.databaseolympics.com/games/gamessport.htm?g=35&sp=BIA, 1964 Winter Olympics – Innsbruck, Austria – Biathlon, databaseOlympics.com, van' 20. Mai 2010, engelsch
- ↑ Биатлон. Ушел из жизни Александр Привалов. 20. Mai 2021, afropen an’n 20. Mai 2021 (russ’sch).