Olympisch Winterspelen 1964/Biathlon
Bi de IX. Olympisch Spelen 1964 in Innsbruck wurr to’n tweeten Mal en Wettbewarf in’ Biathlon (offiziell Naam: Moderner Winterbiathlon) utdragen.
De Wettkämpe funnen an’ 4. Februar in de dicht bi Innsbruck liggen Gemeend Seefeld in Tirol up en Strreck statt, deren Maximalhööcht vun 1356 Metern ü. M. nah negen Kilometern reckt weer. De Gesamtstiegen bedroog 792 Meter, de längste Anstieg ahn Ünnerbreeken führ 96 Meter bargup. As ok all 1960 wurr blots een Biathlonrennen utdragen, de 20-Kilometer-Eenzelwettkamp vun de Mannlüüd. Dorbi recken de Athletin ut de Sowjetunion en Düppelsieg: Wladimir Melanin wunn vör Alexander Priwalow.
As olympisch Sportoort wurr Biathlon sowohl vör as ok nah de Olympisch Spelen kontrovers diskuteert. Besünners kritiseert wurr, dat en Fehlschööt mit twee Straafminüten in’t Loopen meest nich uttoglieken weer. Dordör harrn de good Schütten en düütlichen Vördeel tegenöver de best Löpers. Dorgegen full de Rückschau vun den Veranstalter bannig positiv ut, insbesünnere weil de Tall vun de Tokiekers düütlich höhger weer as bi de Olympiapremiere vun disse Disziplin in 1960.
Eenzel 20 km ännern
| Platz | Athlet | Land | Looptiet | Fehler | Gesamttiet |
|---|---|---|---|---|---|
| 1 | Wladimir Melanin | .svg){kind=small} Sowjetunion
|
1:20:26,8 h | 0 | 1:20:26,8 h |
| 2 | Alexander Priwalow | Sowjetunion
|
1:23:42,5 h | 0 | 1:23:42,5 h |
| 3 | Olav Jordet |  Norwegen
|
1:22:38,8 h | 1 | 1:24:38,8 h |
| 4 | Ragnar Tveiten | Norwegen
|
1:19:52,5 h | 3 | 1:25:52,5 h |
| 5 | Vilmoș Gheorghe |  Rumänien
|
1:22:18,6 h | 2 | 1:26:18,6 h |
| 6 | Józef Rubiś |  Polen
|
1:22:31,6 h | 2 | 1:26:31,6 h |
| 7 | Walentin Pschenizyn | Sowjetunion
|
1:22:59,0 h | 2 | 1:26:59,0 h |
| 8 | Hannu Posti |  Finnland
|
1:25:16,5 h | 1 | 1:27:16,5 h |
| 9 | John Olov Güttke |  Sweden
|
1:24:02,4 h | 2 | 1:28:02,4 h |
| 10 | Nikolai Pusanow | Sowjetunion
|
1:21:21,5 h | 4 | 1:29:21,5 h |
Datum: 4. Februar 1964 (Start um 8:30 Uhr)
Mit de Startnummer 1 hett de 26-johrige Finne Esko Marttinen den Wettkamp anfungen. In Afständen vun jewiels 30 Sekunnen keemen denn de anner 49 Athleten. Bit to’n eersten Scheetstand nah 6 Kilometer leep Veikko Hakulinen de flinkste Tüschentiet. Mit twee Fehlschööt un den dormit verbunnen 4 Straafminüüt full he aber ut de best 10 Platzen herut. Nah de Häöft vun den Wettkamp harrn acht Athleten mit all teihn Schööt drapen, dorünner dree Sportler ut de Sowjetunion – Wladimir Melanin, Alexander Priwalow as ok Walentin Pschenizyn. Melanin führ wegen sien good Looptiet den Wettkamp mit mehr as een Minüüt Vörsprung vör Pschenizyn an, Dart weer de sweedsch Biathlet John Olov Güttke. Nah dat dart Scheeten bleev dat vörn so, wiels Veikko Hakulinen to’n eersten Mal in dat Rennen kien Straafminüüt kasseeren dee un weer de Mögelkeit up en Medaille harr – an Enn’ keem he aber blots up den 15. Platz rin.
Dör dat Ergevnis vun de tweet olympisch Biathlonwettkämpe wurr nochmals düütlich, dat dat Scheeten de wichtiger Deelsisziplin weer. De Twee-Minüüt-Tietstraaf pro Fehler kunn sülvst vun de best Löpers as den Finnen Veikko Hakulinen nich oder allenfalls en beeten uphaalt wurrn.