Alexei Alexandrowitsch Gubarew

Alexei Alexandrowitsch Gubarew (russ Алексей Александрович Губарев; * 29. März 1931 in Gwardejzy, Oblast Kuibyschew, Russische SFSR; † 21. Februar 2015) weer en sowjeetsch Kosmonaut.

Leven

Gubarew hett 1950 sien Schoolutbillen afslooten un is denn in de Root Armee intreeden. Nahdem he 1952 sien Pilotenutbillen afslooten hett, is he Insätze in' Koreakrieg flagen. 1961 hett he spoodriek en Utbillen an de Luftwaffenakademie Monino to Enn' brocht un weer denn Führer vun en Staffel an dat Swaart Meer.

Ruumfohrertätigkeit

Nahdem Gubarew an' 8. Januar 1963 dör dat Juri-Gagarin-Kosmonautentrainingszentrum as Kosmonaut utwählt wurr, hett he af Januar 1963 de Grundutbillen för Kosmonauten OKP anfungen, de he an' 21. Februar 1965 spoodriek afslooten hett.

Alexei Gubarew (li.) un Georgi Gretschko up en Breefmark, 1975

1975 floog Gubarew as Kommandant vun Saljut 4 tosommen mit Georgi Gretschko an Bord vun Sojus 17 in den Weltruum. 1978 nehm he ebenfalls as Kommandant vun de tweet Gastmannschap vun Saljut 6 tosommen mit Vladimír Remek, an den eersten bemannten Ruumfloog binnerhalv vun dat Interkosmos-Programm deel.

In de Tüschentiet Generalmajor vun de sowjeetsch Seekriegsflotte wurrn, is Alexei Gubarew an' 1. September 1981 ut dat Kosmonautenkorps utscheeden. Dornah weer he Generaldirekter vun en Transportsellschopp. För sien Verdeenste um de Ruumfohrt wurr he 1978 mit de Ziolkowski-Medaille uttekent.

Privates

Gubarew weer verheiraadt un harr twee Kinner. He is an' 21. Februar 2015 storven.

Sonstiges

• Gubarew weer Dräger vun de Utteknungen Held der Sowjetunion, Held der ČSSR un de Gagarin-Medaille in Gold.
• De sowjeetsch Städer Kaluga, Arkalyk un Tselinograd as ok Prag hemm Gubarew to ehrn Ehrenbörger nömmt.

Literatur

• Peter Stache: Raumfahrer von A bis Z. Militärverlag der Deutschen Demokratischen Republik, Berlin [Ost] 1988, ISBN 3-327-00527-3.

Weblenken

Aleksei Gubarev. Mehr Biller, Videos oder Audiodateien to’t Thema gifft dat bi Wikimedia Commons.

• spacefacts.de: Körtbiografie