Alfred Kelbassa
Alfred Kelbassa (* 21. April 1925 in Buer; † 11. August 1988 in Düörpm; eegentlich Fred Kelbassa) weer en düütsch Footballspeler.
Loopbahn as Footballspeler
ännernAlfred Kelbassa weer en sportlich Multitalent. So wurr he düütsch Jöögdmeester un westdüütsch Meester in’ Fievkamp (100 m ünner 11 Sek., Wietsprung 6,60 m, Speer över 60 m). Folglich weer he körperlich robust aber to glieker Tiet ok flink, so dat sien Speel insgesamt vun en düchtig Wucht präägt weer.
Sien Footballkarriere fung bi Schwarz-Weiß Bülse an, bevör he to’n SC Gelsenkirchen-Buer wesseln dee. Wiels den Tweeten Weltkrieg speel he as Gastspeler bi Holstein Kiel un Fortuna Glückstadt, um denn över den STV Horst-Emscher un Preußen Münster bi Borussia Düörpm to lannen.
Hier wurr de Störmer mit de Borussia 1956 un 1957 Düütsch Meester un weer ok tweemal Doorschüttenkönig vun de Football-Böverliga West. Legendär wurr sien Tosommenspeel mit sien Speelpartners in Düörpm Alfred Preißler un Alfred Niepieklo as "die drei Alfredos", de de Gegnern regelmaatig grooten Respekt afringen deen.
Van 1956 bit 1958 speel Kelbassa söss Mal för de Düütsch Football-Natschonalmannschap. He hör ok to de düütsch Utwahl bi de Football-Weltmeesterschap 1958 in Sweden un belegg dor mit de Mannschap Platz veer. As Ersatzspeler keem he aber blots in dat Speel um den darten Platz gegen Frankriek an’ 28. Juni 1958 to’n Insatz.
Kelbassa hett nah de Saison 1961/62 sien Loopbahn afslooten un hörr dormit nich mehr den Böverligakader 1962/63 an. Nah de Verletzung vun den Middelstörmer Jürgen Schütz wurr he aber vör de Endrunnenspelen noch mal weer aktiveert un in de Gruppenspelen noch veermal insett. He is dormit denn ok noch Düütsch Meester 1963 wurrn, weer aber nich in den Böverligakader bzw. Bundsligakader.
Nah de aktiv Karriere
ännernKelbassa weer nah sien aktiv Tiet Sportlehrer un Angestellter in dat Sportamt vun de Stadt Düörpm. He is nah mehreren Slaganfällen storven.
Sien Söhn hett de Dochter vun sien Stormpartner Alfred Niepieklo heiraadt, ut deren Verbinnen en gemeensam Enkel vun de beid Störmer hervörgahn is.
In dat Jahr 2012 wurr de nah hüm nömmt Alfred-Kelbassa-Straße in Düörpm inweeht.
Erfolge
ännern- Düütsch Meester 1956, 1957, 1963
- WM-Veert 1958