Alphonse Trent

Alphonse „Phonnie“ E. Trent oder Alphonso E. Trent (* 24. August 1905; † 14. Oktober 1959 in Fort Smith (Arkansas)) weer en US-amerikaansch Jazz-Pianist un weer Baas vun en Territory Band vun den Swing.

Leven un Wark

Alphonse Trent speel siet sien Kindheit Klaveer un hett siet sien Jöögd in lokaal Bands in Arkansas arbeit. Sien eerst eegen Formation hett he midden vun de 1920er Johren leit (mögelkerwies af 1923). In dat Johr 1924 speel he mit Eugene Cooks Synco Six un övernehm de Leitung vun de Band, de bit 1934 bestunn. Se gull as en vun de bekannst Territory Bands vun den Süüden un Middelwesten vun de USA; Se harr ok Insatzen up Stroomdampers. Midden vun den 1930er Johren hett Trent dat Musikgeschäft verlaaten, is aber mit en anner Band 1938 torüchkommen. In dit nee Orchester hebbt later so bekannt Jazzmusikers as Terrence Holders, Alex Hill, Stuff Smith, Snub Mosley, Charlie Christian, Harry Sweets Edison, Mouse Randolph un Peanuts Holland speelt.

As Bandleader hett he man blots acht Plattensieden upnommen, veer 1928 un jeweils twee in de Johren 1930 un 1933. Dornah hett he blots noch tietwies mit eegen Ensembles arbeit un weer hööftsächlich Geschäftsmann.

Weblenken

• ausführliche Biographie bi encyclopediaofarkansas.net
• Alphonse Trent in de All Music Guide
• Biographie bi blackpast.com
• Diskographie bi redhotjazz.com

Literatur/Born

• Martin Kunzler: Jazzlexikon, Reinbek, Rowohlt, 1993
• Richard Cook & Brian Morton: The Penguin Guide to Jazz on CD, 6th Edition, London, Penguin, 2002 ISBN 0-14-017949-6.