Amazonen-Werke

Däi AMAZONEN-Werke maaket Landmaschinen und Maschinen för Städte un Dörper. Dat Stammwerk häff Heinrich Dreyer 1883 in Hasbiärgen-Gaste gründet.

Geschichte

Heinrich Dreyers Frouw in 1902.

Däi Gründer Heinrich Dreyer föng 1883 erstmaol mit däi Bauerräi von Weihern (Getreidereinigungsmaschinen) an. Laterhän mök häi uk Plöige, Kultivatoren, Tuffelnsortierer un dann 1915 den ersten Kunststreier. Häi föng uk all frau mit denn Export an. 1906 verköffte häi däi ersten Weiher noa Valparaiso in Chile. 1942 mök häi däi ersten Tuffelnfullernter un 1949 däi ersten Drillmaschinen un 1959 däi ersten Messstreier. In däo 1960er Jaohren wassen denn Twäischiebenmessstreier ZA un däi Drillmaschine D4 däi Hauptrenner. 1967 föng häi mit Maschinen för däi Bodenbearbeitung an, däi mit äine Zapfwelle andräwen wörden. Dor könn dann uk ne Drillmaschine anschlaoten weern. Dann mök häi Rütteleggen, Kreiselgrubber un Kreiseleggen.^[1]

2008 wörde däi AMAZONE-Stiftung gründet, däi junge Lüe bie eere studentischen Arbeiten tau dat Thema Landtechnik helpen dö. 2009 häbbt säi dann noch ne groote Halle in Hasbergen-Gaste baut, wo däi Hauptverdäilung van däi Ersatzdäile unnerbrocht wörde. In dat selbe Jaohr föngen säi mit groote Seimaschinen in Hude-Altmoorhausen an un in Tecklenburg-Leeden möken säi Feldsprützen, däi sümmes föhrn können. Däi Dinger hädden „Pantera“. Wiederhenn bauden säi noch so’n Feldroboter. Dormit wollen säi wat utprobäiern in Tausammenarbeit mit däi Fackhoochschole Ossenbrügge un däi Robert Bosch GmbH.

In Januar 2010 häbbt säi äine näie Testhalle in Hasbergen-Gaste baut för Kunststreier. Mit düsse Kunststreier, däi 72 Meter up äinen Schlag mitnähmt, könnt säi verschiedene Düngersorten utprobäiern un dormit däi Buern beraoen.

Däi „AMATECHNICA“ (AMAZONE Feldtage) von 2005 häbbt säi 2010 moch maol weer maaket. Kunden un annere Lüe ut däi ganzen Welt können sück bi däi Feldversuche owertügen laoten.

Im Februar 2011 häff AMAZONE däi Lagertechnik an äine näie Firma verköfft.^[2]

Well häff dat Seggen un wovull sett säi ümm?

Däi beiden Familien Dreyer häbbt dat Seggen. Heinz Dreyer un Klaus Dreyer, däi all öwer 50 Jaohr däi Chefs bünnt, daut vandaoge uk noch wat. Aber däi näien Chefs bünnt nu Christian Dreyer un Justus Dreyer. Dat is all däi 4. Generation. Alltauhope arbeitet dor rund 1.700 Lüe. 2012 häbbt säi rund 460 Mio. € umsettet. Ower 75 Prozent geiht in’t Utland in ower 70 Länder. Däi Kunden van AMAZONE bünnt Buern, landwirtschaftliche Lohnunternehmen, Städte un Dörper un annere Betriebe.

Standorte

Dat Hauptwerk in Hasbergen-Gaste.

Dat Hauptwerk steiht in Hasbergen-Gaste. Annere Werke bünnt noch in;

In Duitsland häff AMAZONE 5 Werksniederlassungen in Rendsborg, Gottin, Winningen/Mosel, Altheim un Gablingen.^[3]

Vertriebsstandorte giff dat in England, Frankriek, Polen, Ukraine, Ungarn un Russland.

Watt däi alles baut

AMAZONE baut Bodenbearbeitungsmaschinen, Sämaschinen, Einzelkornsämaschinen, Kunststreier, Feldsprützen, Maschien för Park- un Grünflächenpflege un Winterdienste. Wiederhenn plant, baut un probäiert säi näie Maschinen ut.^[4]

Näie Testhalle in Hasbergen-Gaste baut för Kunststreier
Amazone DMC Primera 12000 Sämaschine för Russland
Amazone ZA-M 1001 Kunststreier
Amazone Catros 5001-2 Bodenbearbeitungsmaschine
Amazone UG Feldsprütze
Amazone Profihopper 4WDi för Grünflächenpflege

Watt to lesen

125 Jahre Amazone. DLG-Verlag, 2008, ISBN 978-3-7690-0709-1, 147 S.; m. zahlr. meist farb. Abb.
Klaus Dreyer: Die AMAZONE-Chronik. Landwirtschaftsverlag GmbH, ISBN 3-7843-3229-3, 151 S.
Klaus Dreyer: Die Geschichte der BBG – von Rudloph Sack bis Amazone. DLG-Verlag, 2009, ISBN 978-3-7690-0750-3, 180 S.