Ambrose Tillett

Ambrose Tillett (* 14. Januar 1965) is en Inschenör un Politiker ut Belize (UDP).

Tillett is 1965 boren. He hett Elektrotechnik un Ümweltwetenschoppen studeert un as Inschenör för Belize Electricity Limited (BEL) arbeidt. Tillett müss BEL in’n Oktober 2000 verlaten, nadem he sik gegen den Bo von’n Chalillo-Staudamm utspraken harr un hett denn as technischen Berader för de Belize Alliance of Conservation Non-Governmental Organizations arbeidt. He weer ok een von de fasten Diskuschoonsdeelnehmers in de Kremandala Show.

Tillett is 2003 för de Oppositschoonspartei UDP Maat von’n Senaat von Belize worrn. In’n Oktober 2006 müssen de dree UDP-Senaters (Tillett, Marcel Cardona, Arturo Roches) jemehr Mandate afgeven.

2011 is Tillett Berader för Energie in dat Ministerium för Energie ünner Ministerin Joy Grant worrn. Later is he denn ok Electricity Director von de Public Utilities Commission worrn, de Belize Electricity Limited reguleert.