Hauptmenü öffnen

Disambig.svg Dit Woort hett noch annere Bedüden: kiek dorför ünner Belize (Mehrdüdig Begreep).

Belize
Flagg vun Belize Wapen vun Belize
(Flagg) (Wapen)
Wahlspröök: Sub umbra floreo
Natschonalhymne: Land of the Free
Woneem liggt Belize
Hööftstadt Belmopan
17° 15′ N, 88° 46′ W
Gröttste Stadt Belize-Stadt
Amtsspraak Engelsch
Regeren
Premierminister
Parlamentaarsche Monarchie
Dean Barrow
Unafhängigkeit

21. September 1981

Grött
 • Allens
 • Water (%)
 
22.966 km²
0,8 %
Inwahnertall
 • Juli 2018 afschätzt
 • Inwahnerdicht
 
385.854
17/km²
Geldsoort Belize-Dollar (BZD)
BBP 1,743 Mrd. US$ $ (2016)

4.636 US$ $ je Kopp

Tietrebeet (UTC-6)
Internet-TLD .bz
ISO 3166 BZ
Vörwahl +501

Belize is een Land in Middelamerika in’n Süüdoosten vun de Halfinsel Yucatán. Dat Land weer fröher ünner de Naam Brietsch-Honduras (offiziell Naam: British Honduras) bekannt, wat de Naam vun de ehmalge britisch Kolonie weer. Dor leevt up 22.966 km² 301.750 Inwahners. Dat sünd rundweg 12,1 Inwahners/km².

Belize is en parlamentaarsche Monarkie binnen dat Commonwealth. Hööft vun den Staat is de Königin vun Grootbritannien, Elizabeth II.. Hööftstadt vun dat Land is Belmopan mit 13.381 Inwahners. De gröttste Stadt vun Belize is Belize-City mit üm un bi 61.460 Inwahners.

Amtspraak is de Engelsche Spraak.

NaturkunnÄnnern

Grenz to Lang
Guatemala 266 km
Mexiko 250 km
See (Küst) 386 km
tohoop 902 km

Belize liggt in Middelamerika an de Oostküst von de Halvinsel Yucatán an de Karibische See. Naverlänner sünd Guatemala in’n Süden (Departamento Izabal) un Westen (Departamento Petén) un Mexiko (Bundsstaat Quintana Roo) in’n Noorden.

GeologieÄnnern

 
Topograafsche Koort von Belize

Belize liggt op de Noordamerikaansche Plaat. De Riftzoon to de Karibische Plaat löppt en beten achter de Landsgrenz dör Guatemala.

De gröttste Deel von Belize is sied un blifft ünner 100 m över de See. En Drüddel von dat Land warrt aver von de Maya-Bargen innahmen, de bet 1124 m över de See (Victoria Peak) hoog sünd. De Ünnergrund, de in de Maya-Bargen vördaag kummt, hett sik in de Tied von dat Pennsylvanium bet in de Kried billt (in dat Zentrum 320 bet 125 Milljonen Johren vör uns Tied, na de Rannen to ut de Tied vör 125 bet 65 Milljonen Johren). Dat Vörland von de Maya-Bargen in’n Distrikt Toledo hett sik ut tertiäre Sedimenten ut Kies, Sand un Slamm billt, wieldes dat Binnenland in’n Noorden von de Maya-Bargen sik ut tertiären Kalksteen billt hett. De Ünnergrund langs de Küsten is jung un stammt ut dat Quartär. Vör de Küst liggt dat Belize Barrier Reef mit sied Water.

De Atolls vör de Küst von Belize (Turneffe Atoll, Lighthouse Reef un Glover’s Reef) sitt op Horststrukturn in en Feld mit tektoonsche Brööklienen, de von Süüdwest na Noordoost loopt. In’n Oosten von de Atolls fallt de Seegrund gau bet op en Deepd von mehr as 4000 Meter af.

KlimaÄnnern

 
Klimadiagramm na Wladimir Köppen

Dat Klima is tropisch, mit Passaatwinnen, de von de Karibische See her wehn doot. De Maand-Dörsniddstemperatur liggt twüschen 24 °C un 27 °C, de Dörsnidds-Lufttemperatur över’t ganze Johr liggt bi 25,9 °C. De Luftfuchtigkeit is dör den Wind von See her good to verdregen. De Regen fallt vör allen twüschen Juni un Oktober, in düsse Tied is ok de Luftfuchtigkeit an’n höögsten. De Regen över’t Johr bedriggt in’n Süden 4450 mm, in’n Noorden blots 1290 mm.

 
Klimadiagramm von Belize-Stadt

De regionalen Ünnerscheed’ bi’t Weder, de verscheden Högenlagen un de verscheden geoloogschen Situatschonen sorgt för verschedenoordige Levensrüüm för Deerten un Planten. De Höögsttemperatur stiggt in’n Sommer kuum maal över 36 °C, in’n Winter fallt se ok nachts meist nie ünner 16 °C.

De Regentied duurt von Mai bet November un is von Juli af an fakener ok mit Warvelstörm verbunnen. Dorüm kummt dat fakener to Hurrikans un dormit verbunnen Överswemmungen. 1961 is dat Land von Hurrikan Hattie besünners swoor drapen worrn.

InwahnersÄnnern

SprakenÄnnern

Anner Spraken blangen de Amtsspraak Engelsch, de in dat Land bruukt weert, sünd dat Belize-Kriol, Spaansch, Garifuna, de dree Maya-Spraken Mayathan, Mopan un Kekchí, Plautdietsch un Hoochdüütsch.

VolksgruppenÄnnern

Na’n Zensus 2010 sünd vun de Inwahners 49,7 % Mestizen, 20,8 % Kreolen, 9,9 % Maya (dorvon 5,7 % Kekchí, 3,5 % Mopan, 0,7 % Mayathan), 4,6 % Garifuna, 3,6 % Mennoniten vun düütsche Afkumst, 2,1 % Inders un 1,0 % Witte.[1] 6,2 % hebbt angeven, dat se von verscheden Gruppen afstammt.[1]

ReligionÄnnern

Von de Religion her sünd 40,4 % Röömsch-kathoolsch, 15,6 % hebbt angeven, dat se to keen Religion höört, 8,5 % Pingstlers, 5,5 % Söventen-Dags-Adventisten, 4,6 % Anglikaners, 3,8 % Mennoniten, 3,6 % Baptisten, 2,9 % Methodisten, 2,8 % Nazareners un 1,7 % Jehova sien Tügen.[1]

Provinzen, Hööftstäder vun de Provinzen un ÖördÄnnern

 
Provinzen vun Belize
 
Straat in Dangriga

Belize is ünnerdeelt in sess Provinzen:

1) Belize:

2) Cayo:

3) Corozal:

4) Orange Walk:

5) Stann Creek:

6) Toledo:

Infrastruktur un WeertschopÄnnern

WeertschopÄnnern

Kiek ok bi: Weertschop von Belize.

Dat BBP liggt bi 4.636 US-$/Inwahner (Stand 2016).

De Weertschop von Belize is von’n Anbo von Bananen, Zitrusfrücht un Zuckerrohr för’n Export präägt. Tosätzlich warrt Fisch, Kreeften un Eerdööl exporteert.

De Tourismus hett sik bilütten to’n gröttsten Weertschopsfaktor för dat Land utwickelt.

VerkehrÄnnern

De Stratenverkehr in Belize löppt vör allen över de veer Highways (George Price Highway, Philip Goldson Highway, Hummingbird Highway un Southern Highway). Wichtig is aver ok de Flegerverkehr mit’n Philip S. W. Goldson International Airport un en ganze Reeg von lüttje Flegerplätz in dat Land.

Bahnverkehr in Belize hett dat blots in vergangen Tieden geven.

FootnotenÄnnern

WeblinksÄnnern