American Horse II
American Horse II (Wasechun Tashunka, "Wašíčuŋ Tȟašúŋke" in de Standard-Lakota-Orthographie: "He-Has-A-White-Man's-Horse"; * 1840 in den Black Hills; † 16. Dezember 1908 in dat Pine-Ridge-Reservat, South Dakota) weer Hööftling vun de Oglala Lakota.
American Horse hett sück as jung Mann in Kämpen gegen de Absarokee un Shoshone uttekent. As American Horse I 1876 in‘n Kamp full, gungen de Överlevenden in dat Reservat un American Horse wurr anerkannt Führer vun sien Grupp. Tietwies hett he (as ok Sitting Bull) de Buffalo Bills Wild West Show begleit, hett sück aber nah sien Rückkehr in dat Reservat kien Früenden maak, as he sück af 1887 för de Uplösen vun dat Reservat in mehreren Deelberieken insetten dee. Sitting Bull weer dormals kumplett dorgegen, wiel dat mit düchtig Landverlusten verbunnen weer. 1890 weer American Horse en Gegner vun den Geisterdanz.
1891 reis he nah Washington, um de Levensbedingungen vun de Lakota to verbetern – he harr aber nich völ Spood. Ok wiedere Reisen nah Washington verleepen ähnlich ergevnislos.
American Horse is in dat Pine-Ridge-Reservat storven.
Literatur
ännern- George E. Hyde: Red Cloud's folk. A history of the Oglala Sioux Indians, Norman: University of Oklahoma Press, 1984
- Bruce Grant: The Concise Encyclopedia of the American Indian. Wing Books: New York, 2000
Weblinks
ännern- Amerikaansch Stämme (engelsch)