Hauptmenü öffnen

Dat Amstel Gold Race is en Straaten-Radrennen, dat siet 1966 jedes Johr dicht bi Maastricht in den Nedderlannen fohren wurrd. Dat klassisch Eendagsrennen, dat nah de nedderlannsch Beersoort Amstel nömmt is, weer bit 2004 Deel vun dat teihn Rennen umfaaten Rad-Weltcup. Nahdem dat afschafft wurr hörr dat Rennen siet 2005 to de nee inführt UCI ProTour, en Reeg vun de wichtigst Radrennen vun dat Johr. Siet 2011 hörrt dat Rennen to de nahfolgereeg UCI World Tour.

De rund 250 km lang nedderlannsch Klassiker gull wegen sien ehrder eenfach Topographie lang Tiet as en Radrennen för Sprinter. In de letzt Johren hett man aber immer mehr Hügels in den Parcour vun dat Rennen mit inbaut. As entscheeden hett sück vör allen dat Verleegen vun dat Teel wiest: Siet 2003 geiht dat Amstel Gold Race nich mehr in Maastricht to Enn’, sonnern up den Cauberg in Valkenburg, mit en temelk körten, aber steilen Anstieg, de ok all veermal bi en Straaten-WM befohren wurr.

Siet eenig Johren wurrd dat Amstel Gold Race ok as Jedermannrennen an’ Dag för dat Profirennen dörführt. De vörherig „Touristik-Version“ vun dat Amstel Gold Race, de Radtour „Limburgs Mooiste“ gifft dat aber ok noch wiederhen.

Bis Anfang vun de 1990er Johren wurr dat Amstel Gold Race wietgahnd vun Belgiers un Fohrer ut de Nedderlannen bestimmt. Sietdem dat Rennen aber Deel vun den Rad-Weltcup bzw. de UCI ProTour is, kommt de Winners ok ut anner Natschonen. Rekordwinner vun dat Amstel Gold Race Jan Raas vun de Nedderlannen, de dat Rennen tüschen 1977 un 1982 fievmal winnen kunn. Düütsch Sieger weern Olaf Ludwig 1992, Erik Zabel 2000 un Stefan Schumacher in dat Johr 2007.

Inholtsverteken

SiegerlistÄnnern

AnstiegÄnnern

De Anstiegen vun dat Amstel Gold Race sünd meest blots kört, dorför aber temelk steil. To Tiet moot de Fohrer 32 Heuvel (Hügel), as de Anstiegen in Limburg nömmt wurr, mit en Gesamtlängt vun 46,7 km un en Hööchtgewinn vun 2318 m fohren. Söss Anstiegen wurr tweemal befohren, de Teeloort Cauberg sogo dreemal (Tallen in Klammern).

Nr. km Naam Tipp Hööcht Längt Stiegen
01 010,7 Maasberg 062 m 22 m 500 m 4,4 %
02 032,5 Adsteeg 112 m 27 m 500 m 5,4 %
03 040,2 Lang Raarberg 124 m 59 m 1300 m 4,5 %
04 055,5 Bergseweg 180 m 90 m 2700 m 3,3 %
05 067,4 Sibbergrubbe (1) 145 m 87 m 2100 m 4,1 %
06 072,8 Cauberg (1) 137 m 69 m 1200 m 5,8 %
07 076,3 Geulhemmerweg (1) 126 m 62 m 1000 m 6,2 %
08 095,7 Wolfsberg (1) 191 m 35 m 800 m 4,4 %
09 101,3 Loorberg (1) 225 m 83 m 1500 m 5,5 %
10 111,4 Schweibergerweg 220 m 114 m 2900 m 3,9 %
11 117,8 Camerig 281 m 163 m 4300 m 3,8 %
12 130,8 Drielandenpunt 321 m 142 m 3700 m 3,8 %
13 133,6 Gemmenich 273 m 58 m 900 m 6,4 %
14 137,1 Vijlenerbos 269 m 92 m 1800 m 5,1 %
15 146,9 Eperheide 225 m 103 m 2300 m 4,5 %
16 154,9 Gulperberg (1) 153 m 57 m 700 m 8,1 %
17 158,5 van Plettenbergweg 141 m 42 m 1000 m 4,2 %
18 160,4 Eyserweg 205 m 95 m 2200 m 4,3 %
19 165,3 Huls 214 m 77 m 1000 m 7,7 %
20 170,7 Vrakelberg 178 m 55 m 700 m 7,9 %
21 178,6 Sibbergrubbe (2) 145 m 87 m 2100 m 4,1 %
22 184,1 Cauberg (2) 137 m 69 m 1200 m 5,8 %
23 187,6 Geulhemmerweg (2) 126 m 62 m 1000 m 6,2 %
24 201,3 Bemelerberg 127 m 45 m 900 m 5,0 %
25 218,4 Wolfsberg (2) 191 m 35 m 800 m 4,4 %
26 224,0 Loorberg (2) 225 m 83 m 1500 m 5,5 %
27 232,3 Gulperberg (2) 153 m 57 m 700 m 8,1 %
28 237,8 Kruisberg 162 m 60 m 800 m 7,5 %
29 239,9 Eyserbosweg 187 m 89 m 1100 m 8,1 %
30 243,6 Fromberg 166 m 64 m 1600 m 4,0 %
31 248,1 Keutenberg 136 m 66 m 700 m 9,4 %
32 260,4 Cauberg (3) 137 m 69 m 1200 m 5,8 %


Siegerlist FruenÄnnern

För Fruen wurr dat Rennen bitlang blots dreemal dörführt, van 2001 bit 2003. In dat Johr 2003 weer dat „Amstel Gold Race“ Deel vun den Rad-Weltcup för Fruen.

WeblenkenÄnnern

  Amstel Gold Race. Mehr Biller, Videos oder Audiodateien to’t Thema gifft dat bi Wikimedia Commons.