Jan Raas (* 8. November 1952 in Heinkenszand, hüüd Oortsdeel vun Borsele, Nedderlannen) is en ehmalger nedderlannsch Radrennfohrer. He weer en vun de groot Sprintstars vun de 1970er Johren.

Jan Raas, Weltmeester 1979

Karriere ännern

Raas fung sien Loopbahn as Profi 1975 bi dat beropen TI-Raleigh-Team an un hett de 1985 nah 115 Siegen afslooten. Sien gröttste Spood weer de Gewinn vun de Straatenradweltmeesterschap in dat heimisch Valkenburg, wo he 1979 vör 200.000 Tokiekers in' Sprint gegen den düütsch Profi Dietrich Thurau wunn. Dat Amstel Gold Race hett he in sien Loopbahn fiev Mal wunnen un is dormit de Rekordwinner vun dat Rennen.

1984 is Jan Raas bi den Fröhjohrsklassiker Mailand–Sanremo swoor to Fall kommen un hett sück düchtig Besehren an sien Rügg un binnere Organe totrucken. Eenig Maand later hett he noch de negente Deelstreck vun de Tour de France wunnen, aber sien gewohnt Niveau hett nie nich wedder recken kunnt. Raas hett dorher an' 28. Mai 1985 sien Karriere as Radrennfohrer afslooten.

Nah sien aktiv Loopbahn wurr Jan Raas sportlich Direkter vun dat Team Kwantum, dat he nah eenig Sponsorenwesseln to dat spoodriek Team Rabobank formen dee. 2003 is he as sportlich Direkter bi Rabobank utscheeden.

Wat he schafft hett ännern

Weblenken ännern