Amtlich Gemeenslötel

De Amtliche Gemeenslötel (AGS), fröher ok Amtliche Gemeendekenntall (Gemeindekennziffer GKZ), is en Tallenreeg to’n Kennen von politisch sülvststännige Gemeenden oder Gemeendefre’e Rebeete in Düütschland, de dat Statistische Bundsamt fastleggt hett.

En anner Mööglichkeit to’n Ünnerscheden is de Postleddtall.

Tosommensetten Ännern

De Gemeendeslötel besteiht tosommen ut 8 eenstellige Tallen:

De eersten beiden Tallen sünd för dat Bundsland, de 3. Tall beteekent de Bezirksregeeren (bi Lännner ohn Bezirksregeeren steit dor ene 0, obers nich bi Rhienland-Palz, Sassen-Anholt un Neddersassen, de jümher Bezirksregeren eerst in de letzten Joorn affschafft hebbt), de 4. Tall is för dee Region, de 5. Tall is för den Kreis (Stadtkreis oder Landkreis) und de 6., 7. un 8. Tall sünd för de Gemeende.

De eersten fiev Stellen warrt ok as Kreisslötel beneumt.

Bispeelen Ännern

04 0 12 000 = Bremerhoben

04 Land Bremen
0 Bezirksregeren gifft dat nich
12 Region un Kreis gifft dat nicht
000 kreisfree’e Stadt

03 3 59 014 = Düünbeudel

03 Neddersassen
3 fröhere Bezirksregeren Lüünborg
59 Landkreis Stood
014 Gemeende Düünbeudel

Bundslänner Ännern

Dat Tellen gaht för de eersten negen Bundslänner von Noorden no Süden (Nr. 01-09), achterno in chronologische Tohörigkeit to de Bundsrepublik Düütschland (Nr. 10, Saarland keum dorto) un denn in alphabetische Reeg (Nr. 11-16) för de söss niegen Bundslänner

Weblenken Ännern

destatis.de/... - Statistisch Bundsamt Düütschland: Allgemeene Informatschon (hochdüütsch)
destatis.de/... - Statistisch Bundsamt Düütschland: Free’e Söök mit Angaven to Inwohners un Flach (hochdüütsch)