Düütschland

Düütschland (hoogdüütsch Deutschland) is en Bundsrepubliek, de in’t Zentrum vun Europa liggt. Düütschland besteiht siet 1990 ut 16 Lännern un is as freeiheidlich-demokraatsch und sozialer Rechtsstaat verfaatst. De 1949 grünnt Bundsrepubliek Düütschland is de jüngste Utprägung van een düütschen Nationalstaat. Bundshööftstadt un Regierungssitt is Berlin. Düütschland hett 83 Millionen Inwahners un tellt bi een Flach van 357.582 km² mit dörgahns 233 Inwahners pro km² to den grootste Lännern in Europa.

Düütschland hett 9 Navers. De Bundsrepubliek hett Andelen an de Noord- un Oostsee in de Noord, sowo an'n Bodensee un Alpen. Dat liggt in de matig Klimazoon un verföögt över 16 National- un över 100 Natuurparks. De Stadt mit den meesten Inwahners is Berlin; anner Metropolen mit mehr as een Million Inwahners sünd Hamborg, München un Köln. De gootste Ballungsruum is dat Ruhrgebiet, Frankfort an'n Main is as düütschen Finanzzentrum internationaal van Bedüden.

Düütschland besteiht hüüt ut 16 Bundslänner, de na dat Verfatensprinzip van de kommunale Sülvstverwalten noch mal indeelt sünd.

Begreepshistorie: Düütsch un DüütschlandÄnnern

De etymologischen Vörförms van düütsch (deutsch) bedüden ursprünglich „to de Lüüd hören“, waarbi dat Adjektiv eerst de Dialekten van de kontinental-westgermaanschen Dialektkontinuums betekent. De Betekung Düütschland word siet den 15. Jahrhundert bruukt, is in eenkelten Schriftstücken aver al froher betüüg; in de Frankfurter Översettung de 'Goldenen Bulle' (um 1365) heetst dat Dutschelant.

HistorieÄnnern

Na den Tweten Weltkrieg worr dat Düütsche Riek oplööst un de Rest vun Düütschland indeelt in Besettenzonen. En annern Deel weer vun de Naverstaten annekteert. Vun den Deel, vun dat Düütsche Riek, de besett weer, sünd de Bundsrepubliek Düütschland, de Republiek Öösterriek un de DDR vun worrn. An'n 3. Oktober 1990 is de DDR to'n Gellensbereek vun’t Grundgesett vun de Bundsrepubliek Düütschland bitreden.

Alliieert Besattung (1945–1949)Ännern

Düütschland worr in den Grenzen van de 31. Dezember 1937 updeelde; an'n 5. Juni 1945 liggten de veer Siegermachten – USA, UdSSR, Vereenigte Königriek un Frankriek – Besatzungszonen fast un harr sodenn westelk de Oder-Neiße-Lienje de Hoheitsdwang.

Düütschland (siet 1990)Ännern

De düütsche Weddeverenigung worr an'n 3. Oktober 1990 mit de Bitritt van de DDR to de Bundsrepubliek Düütschland vollzogen; disse Dag de düütschen Eenheid worr Natschonalfierdag. De 1991 in Kraft tradd Twee-plus-Veer-Vertrag regelte de düütschen Fraag endgültig: De Veer Machten geven hör Hoheitsrechten op, bit Ende 1994 verleet hör Trupps dat Land, Düütschland kreeg sien vull staatlich Souveränität. Düütschland hett sück dorto verplicht, blots noch maximal 370.000 Soldaten to hemm.

BevölkerungÄnnern

DemografieÄnnern

Nac Fortschreibung de Zensus 2011 leevden an'n 30. September 2020 in Düütschland 83.190.556 Inwahners op een Flach van 357.381 km². Dat Land höört mit ungefähr 233 Minschen pro km² to den dicht besiedelten Flachenstaaten. 18,3 Prozent van de Inwahners worren in'n Joohr 2015 unner 20 Johren, 24,5 Prozent tüsken 20 un 40 Johren un 29,8 Prozent tüsken 40 un 60 Jahre oold. In'n Oller van 60 bit 80 Johren worren 21,6 Prozent de Bevölkerung, 5,8 Prozent worren öller. In'n Joohr 2019 legg dat dörgahns Oller bi 44,5 Jahren. Düütschland höört daarmit to den oollste Gesellskuppen de Welt.

SprakenÄnnern

In alle Rebeden is de Mehrheitsspraak Hoochdüütsch. In den Oosten warrt ok Sorbsch snackt, wat mit de slaawschen Spraken Tschechsch un Poolsch verwandt is. In'n Noorden warrt ok Freesch, Däänsch un Neddersass’sch snackt. Verdeelt över grote Rebeden in Düütschland leevt ok en Minnerheit vun Lüüd, de Romani snacken doot.

Vele Inwahners snackt hüüttodaags ok Russ'sch, Törksch, Poolsch, Serbsch un Kroaatsch. Disse Spraken sünd eerst de lesten Johren dartokamen - mit Gastarbeiders in de 1950er Johren un mit Utwannerers, de ut de fröhere Sowjetunion kamen sünd un vun Düütschen afstammt.

GeographieÄnnern

In Düütschland worden all tosamen 51 Prozent de Flach landwertschoplich bruukt (2016), Walden sünd 30 Prozent. 14 Prozent worden as Siedlungs- un Verkehrsflach bruukt. Waterflachen kummen op twee Prozent, de ännern dree Prozent verdelen sük op anner Flachen, meestens Unland un anner.

NaversÄnnern

Düütschland hett all tosamen negen Navers: In'n Noorden grenzt Düütschland an Däänmark, in'n Noordoosten an Polen, in'n Oosten an de Tschech’sche Republiek, in'n Süüdoosten an Öösterriek, in'n Süden an de Swiez, in'n Süüdwesten an Frankriek, in'n Westen an Luxemborg un an Belgien un in'n Noordwesten an de Nedderlannen. De Länge van de Grenz bedraggst all tosamen 3876 km². Daarmit is Düütschland dat europäisk Land mit den meesten Navers.

VerwaltengliederungÄnnern

De föderal opboot Bundsrepubliek besteiht ut 16 Gliedstaaten, de amtlich as Länner (Bundslänner) betekent worden. De Stadtstaaten Berlin un Hamborg bestahn jüst ut gleechnamig Eenheidsgemenen, Wiels Bremen, as dard Stadtstaat, mit Bremen un Bremerhoben twee separate Stadtgemenen umfasst.


Land	Höffstadt	Flach in km²	Inwahners
Baden-Württemberg	Stuttgart	35.751	11.100.394
Bayern	München	70.550	13.124.737
Berlin	—	892	3.669.491
Brannenborg	Potsdam	29.654	2.521.893
Bremen	—	419	681.202
Hamborg	—	755	1.847.253
Hessen	Wiesbaden	21.115	6.288.080
Mekelnborg-Vörpommern	Swerin	23.213	1.608.138
Neddersassen	Hannober	47.616	7.993.608
Noordrhien-Westfalen	Düsseldörp	34.113	17.947.221
Rhienland-Palz	Mainz	19.854	4.093.903
Saarland	Saarbrücken	2569	986.887
Sassen	Dresden	18.450	4.071.971
Sassen-Anholt	Meideborg	20.452	2.194.782
Sleswig-Holsteen	Kiel	15.802	2.903.773
Döringen	Erfurt	16.202	2.133.378^[1]
Düütschland	Berlin	357.376	83.166.711^[2]

KulturÄnnern

De düütschen Künst- un Kulturhistorie, deren Ruten bit in de Tied de Kelten, Germanen un Römers torügg gahn, hett siet den Middteloller stil- un epochenprenten Persönlichkeiten broch.

J. W. von Goethe, 1786

De düütschen Kultur hettt sük, da Düütschland lang neet as Nationalstaat existeerde, över Joohrhunnerten vör allem över de gemeensame Spraak defineert; ok över de Rieksgründung 1871 herut is Düütschland faak as Kulturnation verstunn worden. Dör de Verbredung van Massenmedien in'n 20. Jahrhundert hett de Popkultur in de düütschen Gesellskupp een hoog Stellenwert krieg.

StaatÄnnern

Düütschland is en Bundsrepubliek. De Bundspräsident is siet den 12.2.2017 Frank-Walter Steinmeier. Bundskanzlerin is Angela Merkel. De Verfaten is demokraatsch un sozial.

BundsdagÄnnern

Wahl 24. September 2017:

Christlich Demokratsche Union vun Düütschland (CDU) 26,8%
Sozialdemokratsche Partei Düütschland (SPD) 20,5%
Christlich-Soziale Union in Bayern (CSU) 6,2%
De Linke 9,2%
Bündnis 90/De Grönen 8,9%
Fre’e Demokraatsche Partei (FDP) 10,7%
Alternative för Düütschland (AfD) 12,6%
All Annere 5,0%

Bispelen för Städer in DüütschlandÄnnern

WeblenkenÄnnern

Düütschland. Mehr Biller, Videos oder Audiodateien to’t Thema gifft dat bi Wikimedia Commons.

EnkelnawiesenÄnnern

↑ Thüringer Landesamt für Statistik. Afropen an’n 1. April 2021.
↑ Regionales. Afropen an’n 1. April 2021.

www.deutschland.de – mehrspraakig Düütschland-Portal (hoochdüütsch, engelsch un veer annere Spraken)

Länner in Europa

[1] Thüringer Landesamt für Statistik. Afropen an’n 1. April 2021.

[2] Regionales. Afropen an’n 1. April 2021.

[1]

[2]