Amtsgericht Langen

Dat Amtsgericht Langen is een von de acht Amtsgerichten in’n Landgerichtsbezirk Stood. Dat hett sien Seet in Langen in’n Landkreis Cuxhoben.

Överornt Gerichten

Dat Amtsgericht Langen sünd in’n Instanzentog dat Landgericht Stood, dat Oberlandsgericht Celle un de Bundsgerichtshoff in Karlsruhe överornt.

Geschicht

Dat Amtsgericht Langen is in’n Februar 1948 grünnt worrn. De Gerichtsbezirk is ut Rebeden billt worrn, för de vörher de Amtsgerichten in Leh un Geestmünn tostännig weren. 1952 weren veer Richters an dat Gericht in Langen anstellt. 2004 weren dat söss Amtsrichters un veer Exkuters.

Gerichtsgebüüd

Dat Gericht weer von 1948 af an toeerst in de Rüüm von de Scheelsche Villa an’n Hinschweg ünnerbröcht. 1955 hett de Fiskus dat Huus övernahmen un de annern Meders, de dor noch mit in weren, sünd 1955 uttagen. 1956 is de Villa üm- un utboot worrn. Vondaag is dat Gericht in en Gebüüd an de Debster Straat ünnerbröcht.

Weblenken

Amtsgericht Langen. Mehr Biller, Videos oder Audiodateien to’t Thema gifft dat bi Wikimedia Commons.

Websteed von dat Amtsgericht Langen (hoochdüütsch)
Översicht över de Rechtsspröök von dat Amtsgericht Langen (hoochdüütsch)

Koordinaten:53° 28′ N, 9° 42′ O

Amtsgerichten in’n Landgerichtsbezirk Stood