Hauptmenü öffnen
Wapen/Flagg Koort

Wapen vun Langen

Langen
Laag vun Langen in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27607
Vörwahl: 04743
Geograafsche Laag:
Koordinaten:53° 37′ N, 8° 36′ O
53° 37′ N, 8° 36′ O
KrümpelHolsselnNiewohlImßen (Oortschop)Langen (Landkreis Cuxhoben)Sievern (Land Wusten)DebstLintig (Oortschop)Elm (Oortschop)Kührst (Oortschop)Köhlen (Landkreis Cuxhoben)Ringst (Oortschop)HemendörpBeers (Oortschop)DrangstFlögeln
Laag von Langen in de Gemeen Geestland (Koort lett sik anklicken)

Luftbild von Langen (2012)

Langen (hoochdüütsch Langen) is en Oort in de Gemeen Geestland in’n Landkreis Cuxhoben, Neddersassen.

Inholtsverteken

GeografieÄnnern

An’n Oostrand von Langen flütt dat Water över Lütte un Grote Beek af na de Geest. Dat Water in’n Westen flütt över Gravens na’n Wallsgroov.

De Naveröörd sünd Sievern in’n Noorden, Debst in’n Noordoosten, Debsterbüttel un Wehden in’n Oosten, Leherheid in’n Süüdoosten, Speckenbüttel in’n Süden un Weddewarden un Dingen in’n Westen.

HistorieÄnnern

 
Grootsteengraff in Langen

Sporen ut de Vörtied gifft dat in Langen ünner annern in Form von’n Langen Barg ut de Bronztied.

Langen kummt 1139 toeerst in de Oorkunnen vör. Dat weer lange Tied blots en lütt Buurndörp. 1549 bestünn Langen ut 4,5 Hööv un 23 Katen. Eerst in dat 20. Johrhunnert is Langen dör de Neegd von Bremerhoben düüdlich grötter worrn.

Siet 1948 is Langen ok de Seet von dat Amtsgericht Langen.

1987 sünd twee Phantom-Jagdbombers von dat Jagdgeswader 71 op de Wischen in’n Westen von Langen afstört.

VerwaltungsgeschichtÄnnern

In de Franzosentied von 1810 bet 1814 hett de Oort to de Mairie Bremerleh in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Amt Beers tohöört un is 1852 an dat Amt Leh wesselt. Na 1885 weer dat in’n Kreis Leh. 1932 is dat Deel von’n Landkreis Wersermasch worrn un 1977 von’n Landkreis Cuxhoben.

Nadem Langen 1971 Deel von de Samtgemeen Langen worrn is, is de Samtgemeen mit de Gemeenreform in Neddersassen 1974 al wedder oplööst worrn un de Samtgemenen Langen un Niewohl hebbt sik an’n 1. März 1974 to de Gemeen Langen tohoopslaten. Düsse Gemeen hett an’n 1. Juli 1990 de Stadtrechten kregen. An’n 1. Januar 2015 is de Gemeen Langen in de Gemeen Geestland opgahn.

InwahnertallÄnnern

Johr Inwahners
1812-00-001812[1] 285
1824-00-001824[2] 63 Füürsteden
1848-00-001848[3] 346 Lüüd. 73 Hüüs
1910-12-011. Dezember 1910[4] 1.037
1925-00-001925[5] 1.549
1933-00-001933[5] 1.885
1939-00-001939[5] 2.196

ReligionÄnnern

Langen is evangeelsch-luthersch präägt un billt mit de Petri-Kark en egen Kaspel. De Kark in Langen is siet 1961 sülvstännig. Vörher hett de Oort to dat Kaspel von de Dionysos-Kark in Debst höört.

WapenÄnnern

Dat Wapen von Langen wiest op gollen Grund över en swarten Barg in’n Schildfoot en rood Sünnenrad. Op’n Schildfoot liggt en gollen Urn un dor ünner en sülvern Wellenlien.

De Wellenlien steiht för de Werser, de swarte Barg för den Jedutenbarg un dat Sünnenrad un de Urn för archäoloogsche Funnen ut de Gemeen.

Utklamüsert hett dat Wapen de Heraldiker Albert de Badrihaye. 1974 hett ok de ne’e Gemeen Langen düt Wapen övernahmen.


Gemeenvörsteihers/BörgermeestersÄnnern

Gemeenvörsteihers:

KulturÄnnern

VerenenÄnnern

Langen hett en Schüttenvereen, de 1865 grünnt worrn is. De Turnvereen Langen is 1908 grünnt worrn.

Weertschop un InfrastrukturÄnnern

Langen is na dat Landsruumordnungsprogramm en Grundzentrum mit middelzentrale Deelfunkschonen.

Langen hett en egene freewillige Füürwehr, de an’n 4. Juni 1934 grünnt worrn is un as Swoorpunktfüürwehr gellt. Vörher hett dat en Plichtfüürwehr geven. Dat Sprüttenhuus an de Imßener Straat 18 is in’n Dezember 2017 trech worrn.

VerkehrÄnnern

Dör Langen löppt de Landsstraat 135, wat fröher Deel von de Bundsstraat 6 weer, de in’n Noorden na Sievern, Holsseln un Millm geiht un in’n Süden na Bremerhoben. In’n Oosten geiht de Landsstraat 118 na Debst un Niewohl un över de L 120 na Drangst un Beers. In’n Westen geiht en lüttjere Straat na Dingen.

De nächste Autobahn is de Autobahn 27 (Afsnidd BremerhobenCuxhoben). De Opfohrt 5 Debst liggt so fiev Kilometer in’n Noordoosten von Langen.

De nächste Bahnhoff is so bi söss Kilometer wied weg in’n Süden de Bahnhoff Leh an de Bahnlien Bremerhoben–Cuxhoben. Langen harr ok en Bahnhoff an de Bahnlien Bremerhoben-Beers, de nu aver blots noch as Museumsbahn bruukt warrt.

1919 güng de verlängerte Stratenbahnlien von de Verkehrssellschop Bremerhoben (VGB) von Leh över Speckenbüttel dör Leherheid na’n Bahnhoff Langen. 1927 is dat Nett bet Friedrichsruh verlängert worrn. Üm 1960 bet 1982 güng de Stratenbahnlien 2 bet na de Stadtgrenz Bremerhoben un en Buslien bet Debst. 1961 is de Omnibusbedrievshoff von de VGB an de Stadtgrenz in Langen in Bedriev nahmen worrn.

ScholenÄnnern

Langen hett de twee Grundscholen An’t wilde Moor un An’n Hinschweg. Dat gifft aver ok noch de Oberschool Langen un dat Gymnasium Langen. As Förderschool is de Seeparkschool Wersermünn för Langen mit tostännig.

Ans hett Langen noch en Volkshoogschool un en Musikschool.

LiteraturÄnnern

  • Langener Lesebuch. 850 Jahre Langen 1139 bis 1989. Boehl und Oppermann GmbH, 1989

FootnotenÄnnern

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 101: http://books.google.de/books?id=Q 5OAAAAcAAJ&pg=PA101
  2. C. H. Jansen: Statistisches Handbuch des Königreichs Hannover. 1824, Sied 356: http://books.google.de/books?id=tG0AAAAAcAAJ&pg=PA356
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  4. http://www.gemeindeverzeichnis.de/gem1900/gem1900.htm?hannover/lehe.htm
  5. a b c http://www.verwaltungsgeschichte.de/wesermuende.html