Anastassija Merkuschyna

Anastassija Olehiwna Merkuschyna (ukrainsch: Анастасія Олегівна Меркушина, engelsch: Anastasiya Merkushyna; * 14. Januar 1995 in Sumy) is en ukrainsch Biathletin.

Anastassija Merkuschyna 2023

Werdegang ännern

Merkuschyna leevt in Pidhorodne, Oblast Ternopil un geiht för den Vereen Dynamo an den Start. Hör Trainer sünd hör Öllern Iryna Merkuschina un Oleh Merkuschin. Se hett tüschen 2010 un 2013 an veer Biathlon-Juniorenweltmeesterschapen as ok 2011, 2012 un 2014 an de Juniorinnenrennen vun de Biathlon-Europameesterschapen deelnommen. 2010 weer Platz 14 in Torsby hör best Resultat. 2011 wunn se in Nové Město na Moravě mit Julija Bryhynez un Iryna Warwynez de Sülvermedaille in dat Staffelrennen. Een Johr later wunn se in Kontiolahti mit Julija Schurawok un Bryhynez den Titel, 2013 in Obertilliach nochmals mit Schurawok un Anastasiya Nychyporenko Sülver. Todem wunn se 2013 achter Uljana Kaischewa un Schurawok de Bronzemedaille in dat Eenzelrennen. Bi de Biathlon-Europameesterschapen 2011 in Martell keem se blots in de Staffel to'n Insatz, mit se up den 5. Platz keem. 2012 wunn se nah 13. Plätzen in Sprint un Verfolgung in Osrblie mit Iryna Warwynez, Iwan Morawskyj un Oleksandr Dachno de Bronzemedaille mit de Mixed-Staffel. 2014 wunn se in Nové Město na Moravě in dat Eenzelrennen achter Anastassija Jewsjunina de Sülvermedaille.

Bi de Fruen geev se hör Debüt in dat Öller vun eerst 15 Johren to Anfang vun de Saison 2010/11 in Beitostølen in' IBU-Cup un keem in en Sprintrennen up Platz 67. 2013 wunn se as Sprint-Elfte eerstmals Punkte un verpass togliek knapp en Platzeeren ünner de best Teihn. Dat weer hör best Resultat in de Rennserie. Bi de Europameesterschapen 2014 wurr se nah Erfolgen in de Eenzelrennen vun de Junioren för de Staffel in dat Natschonalteam beropen un wurr an de Siet vn Jana Bondar, Olga Abramowa un Iryna Warwynez Sösste.

Hör eersten Podestplatz in IBU-Cup reck se in' Dezember 2014 as Tweet bi en Sprint in Obertilliach, hör eersten Sieg in de Single-Mixed-Staffel tosommen mit Artem Tyschtschenko in' Januar 2016 in Langdorf. In' Dezember 2016 wunn se in Ridnaun-Val Ridanna weer in en Team mit Tyschtschenko tonächst den Single-Mixed-Wettbewarf un ansluutend hör eerst Sprintrennen in' Rahmen vun den IBU-Cup. Een Dag nah dit Rennen wurr Merkuschyna bi den Weltcup in Pokljuka as Slusslöperin vun de ukrainsch Fruenstaffel insett un seker för de den darten Platz.

To de Saison 2014/15 wurr se ok eerstmals in den Weltcup insett un reck dorbi to den Saison-Uptakt den 51. Platz in dat Eenzel un bleev somit ahn Weltcup-Punkte. In de folgen Saison keem se nich in den Weltcup to'n Insatz. To de Saison 2016/17 schaff se dat, sück in den Weltcup fasttosetten un keem pünktlich to de Weltmeesterschapen, deren Wettbewarfen ok to den Weltcup tellen deen, mit Platz 10 bzw. 8 in Sprint un Verfolgung in Hochfilzen eerstmals ünner de best Teihn. Mit de Staffel reck se an de Siet vun Iryna Warwynez, Julija Dschyma un Olena Pidhruschna de Sülvermedaille.

Weblenken ännern