Hauptmenü öffnen
Anatoli Beresowoi up en sowjeetsch Breefmark (links, mit Walentin Lebedew)

Anatoli Nikolajewitsch Beresowoi (russisch: Анатолий Николаевич Березовой); * 11. April 1942 in Enem, Autonome Republik Adygeja, Russische SFSR; † 20. September 2014 in Moskau) weer en sowjeetsch Kosmonaut.

De Oberst vun de sowjeetschen Luftstrietkräfte hett en Feernstudium an de Akademie vun de Luftstrietkräfte afslooten.

Inholtsverteken

KosmonautentätigkeitÄnnern

Vorbereitung för nich dörführt MissionenÄnnern

An' 27. April 1970 wurr Beresowoi as Kosmonaut utwählt. Bit 1972 hett he de Grundutbillen maakt, dornah wurr he den Ruumgleiter Spiral towiest, de aber nie nich to'n Insatz keem. Enn' 1974 traineer he för en Floog to de Ruumstatschoon Saljut 4, wessel aber Anfang 1975 to de Utbillensgrupp för de militärisch Ruumstatschoon Saljut 5 (Almas 3), wo hüm as Bordingenieur Michail Lisun todeelt wurr. Beresowoi un Lisun weern Ünnerstüttensmannschap för de Missionen Sojus 21 un Sojus 23, as ok Ersatzmannschap vun Sojus 24, dornah geev dat kien wiedere Flüüg to de Ruumstatschoon Saljut 5. Beresowoi un Lisun hemm denn för wiedere Missionen in en militärisch Ruumstatschoon traineert.

Van 1979 bit 1981 wurr Beresowoi as Kommandant för dat TKS-Ruumschipp utbild. Dat weer wesentlich grötter as dat Sojus-Ruumschipp un sull för Mannschaps- un Materialtransporte to Ruumstatschonen insett wurrn. Een Floog to en Almas-Statschoon harr in' Januar 1981 stattfinnen können, aber dat Almas-Programm wurr afseggt. Stattdessen weern Flüüg to de DOS-Ruumstatschonen Saljut 6 un Saljut 7 plaant. Kommandant Beresowoi befunn sück dorto in de Mannschap mit de Floogingenieuren Juri Artjuchin un Dmitri Jujukow. Nah de Entscheeden, mindst een vun de veer TKS-Raumscheep unbemannt to starten, hett Beresowoi de TKS-Grupp verlaaten.

Floog to Saljut 7Ännern

Ansluutend hett sück Beresowoi tosommen mit den Bordingenieur Walentin Witaljewitsch Lebedew up en Floog to de Ruumstatschoon Saljut 7 vörbereit. De beid hemm mit de Missionsbeteeken Saljut 7 EO-1 de eerste Besatten bild. De Start mit dat Ruumschipp Sojus T-5 weer an' 13. Mai 1982, as Kommandant führ Beresowoi dat Roopteeken „Elbrus“. An' 30. Juli 1982 hett he gemeensam mit Walentin Lebedew en Butenbordinsatz ünnernommen, um Geräte un Experimente to bargen. De Rückkehr to de Eer weer an' 10. Dezember 1982 mit dat Ruumschipp Sojus T-7. Dormit weern de Ruumfohrer Wladimir Dschanibekow, Alexander Iwanschnekow un de Franzoos Jean-Loup Chrétien, all för en Körttietmission in' Rahmen vun de sowjeetsch-franzöösch Mission tüschendör andockt, un mit Sojus T-5 weer torüchkehrt. Mit 211 Daag Upenholt in' Weltruum harrn Beresowoi un Lebedew en nee Langtietrekord upstellt.

Nochmals Reserve-MannschapÄnnern

Af Midden 1983 traineer Beresowoi för en körten Floog to Saljut 7. He weer Kommandant vun de Reservemannschap vun Sojus T-11 mit Bordingenieur Georgi Gretschko un den indischen Forschungskosmonauten Ravish Malhotra. De Floog funn in' April 1984 statt, ahn dat de Ersatzmannschap to'n Insatz keem.

Af September 1985 wurrn Beresowoi un anner Kosmonauten dorin utbildt, en Sojus-Raumschipp alleen to fleegen, ahn Ünnerstütten dör en Bordingenieur. In disse Funktschoon wurr Beresowoi Kommandant vun de Ersatzmannschap vun Sojus TM-6 för en Floog in' August 1988 to de Ruumstatschoon Mir. De Dokter German Arsamasow un de afghaansch Wetenschapskosmonaut Mohammad Dauran Ghulam Masum weern wiels den Floog blots Passagiere ween.

An' 31. Oktober 1992 is Beresowoi in' Rang vun en Oberst vun de Luftstrietkräfte ut Ollersgrünnen ut dat Kosmonautenkorps utscheeden. Dornah wurr he stellvertreeden Präsident vun de russisch Ruumfahrtföderatschoon.

EhrungenÄnnern

Beresowoi kreeg ünner annern folgen Orden un Utteknungen:[1]

PrivatesÄnnern

Beresowoi weer verheiraadt un harr twee Kinner.

LiteraturÄnnern

  • Peter Stache: Raumfahrer von A bis Z. Militärverlag der Deutschen Demokratischen Republik, Berlin [Ost] 1988, ISBN 3-327-00527-3.

WeblenkenÄnnern

  Anatoli Nikolajewitsch Beresowoi. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahwiesenÄnnern

  1. Nikolai Wassiljewitsch Ufarkinym: [1], russisch: Березовой Анатолий Николаевич van' 20. September 2014, afropen an den sülvigen Dag