Andreas Birnbacher (Biathlet)

Andreas Birnbacher (* 11. September 1981 in Prien am Chiemsee) is en ehmalg düütsch Biathlet.

Andreas Birnbacher 2015 bi de Düütsch Meesterschapen

Werdegang ännern

Andi Birnbacher, de mit Ökelnaam „Birnei“ roopen wurrd, is as Hauptfeldwebel Sportsoldat bi de Bundswehr un dor in de Sportfördergrupp. Tonächst wull Birnbacher Sportschütten wurrn. To'n Biathlonsport keem he, as de Vader vun Birnbacher sien Früend Fritz Fischer beeden hett, den Söhn ünner de Fittiche to nehmen. All 2002 wurr hüm de Bayerische Sportpries in de Kategorie „Herausragende(r) Nachwuchssportler(in)“ tospraaken. Tovör weern een Gold-, twee Sülver- un een Bronzemedaille bi de Biathlon-Juniorenweltmeesterschapen 2000 in Hochfilzen, dree Goldmedaillen bi de Biathlon-Juniorenweltmeesterschapen 2001 in Chanty-Mansijsk as ok de Goldmedaille mit de Staffel bi de Biathlon-Europameesterschapen 2002 in Kontiolahti an hüm gahn. In dat glieker Johr wurr he mit de Staffel düütsch Meester un een Johr later wurr he eerstmals düütsch Meester in' Sprint. Ok in de folgen Johren wurr mehrfack de Düütsch Meesterschapen.

Bi de Winterspelen 2006 in Turin hörr he ok eerstmals to de düütsch Olympia-Mannschap, keem aber nich to'n Insatz. In de Saison gelungen hüm eerste Erfolge in' Weltcup. All glieks in dat eerst Rennen vun de Saison över 20 km in Östersund keem he up den tweeten Platz. Bi de Biathlon-Weltmeesterschapen 2007 in Antholz seker he sück sien eerste WM-Medaille. In dat Massenstartrennen över 15 Kilometer wunn he de Sülvermedaille achter den Sieger Michael Greis vör Raphaël Poirée. 2008 wurr Birnbacher in Östersund Weltmeester mit de Mixed-Staffel un Dart mit de Mannlüüdstaffel.

Birnbacher reck den 15. Platz in' Massenstart bi de Olympisch Winterspelen 2010 in Vancouver.[1][2] Sien eersten Weltcupsieg fier he an' 17. März 2011 in' Sprintwettbewerb an' Holmenkollen in Oslo. Genau negen Maand later, an' 17. Dezember 2011, seker he sück in dat wegen Schneemangel ersatzwies för Le Grand-Bornand-Annecy in Hochfilzen utdragen Verfolgungsrennen över 12,5 Kilometer sien tweeten Eenzelerfolg in' Weltcup.[3][4] In' Massenstart kunn he mit de Siege in Oberhof un Antholz twee Saisonerfolge fiern. Todem seker he sück den Sieg in' Massenstartweltcup.

Bi de Weltmeesterschapen 2012 in Ruhpolding un 2013 in Nové Město wenn he jewiels mit de Staffel de Bronzemedaille, 2012 in Ruhpolding keem noch en Bronzemedaille in dat Mixed-Staffelrennen dorto.

Privates ännern

Andreas Birnbacher wahnt in dat bayerische Reit im Winkl un wurrd vun Fritz Fischer in dat wenig Kilometer weg liggen Biathlon-Leistungszentrum in Ruhpolding traineert. An' 13. April 2012 hett he in Reit im Winkl heiraadt. Twee Maand later nehm he an den 1. Chiemsee Triathlon in Chieming deel. Bi sien Triathlon-Debüt keem he in dat mit tallriek Profis Profis stark besett Feld up Platz 9. He is Vader vun twee Kinner.

Literatur ännern

  • Klaus Blume: Der Sportschütze werden wollte. Andreas Birnbacher, in: Kicker 10 (2007), S. 80

Weblenken ännern

  Andreas Birnbacher. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern

  1. Massenstarts bei Olympia - Biathleten im Visier der Kritik auf spiegel.de
  2. Men's 15 km Mass Start - Mass Start : Schedule and Results, Vancouver 2010 Winter Olympics
  3. "Birnbacher triumphiert, Neuner patzt" up Kicker-online van' 17. Dezember 2011 afroopen an' 17. Dezember 2011
  4. Übernahme Weltcup – Le Grand Bornand Annecy, Frankreich