Anopheles

Anopheles (gr. ανoφελός anophelós, „unnütz, swaar, lastig, schädlich“), ok Malaria-, Gavel- oder Fevermuggen nömmt, is en Geslecht ut de Familie vun de Steekmuggen (Culicidae). Ok de Unnerfamilie Anophelinae hett ehren Naam vun jem weg. To düt Geslecht weert bi 420 Aarden torekent. Mank jem gifft dat in de ganze Welt bi 40 Aarden, de dreegt Malaria over (kiek bi Vekter). Düsse Muggen sünd mit bi 6 Millimeters man lüttjet. Dat Lief is man spiddelig un warrt meist in en Winkel vun 30 bit hen to 45° vun'n Unnergrund afholen.

Anopheles; Malariamuggen; Fevermuggen; Gavelmuggen
Anopheles suugt Blood
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Böverornen: Neeflunken (Neoptera) Ornen: Tweeflunken (Diptera) Ünnerornen: Muggen (Nematocera) Familie: Steekmuggen (Culicidae) Geslecht: Anopheles
Wetenschoplich Naam
Anopheles
Meigen, 1818

Wo se vorkamen doot

Muggen ut dat Geslecht Anopheles finnt sik weltwiet in de Tropen un Subtropen, man ok in Gemarken mit matige Temperatur. Nich tohuse sünd se up de meisten Eilannen in den Pazifik (as Neeseeland, Fidschi un Neekaledonien, un up en Reeg vun Eilannen, de in den Atlantik wiet af liggen doot.

Aarden

In Düütschland sünd düsse sess Anopheles-Aarden tohuse:

• Anopheles plumbeus – Larven leevt in lüttje Waterlöcker in Twiege oder twillte Boomstämm
• Anopheles algeriensis – kaamt in Noorddüütschland an de nöördliche Grenz vun de Gmarken, wo se noch leven könnt.
• Anopheles claviger – Driggt Malaria over un kummt wiethen vor
• Anopheles maculipennis
• Anopheles messeae
• Anopheles atroparvus

De lesten dree Aarden weert to de „Anopheles-maculipennis-Gruppe“ torekent.

Annere Aarden:

• Anopheles beklemishevi
• Anopheles coustani
• Anopheles crypticus
• Anopheles farauti
• Anopheles forattinii
• Anopheles funestus
• Anopheles gambiae
• Anopheles grabhamii
• Anopheles hailarensis
• Anopheles halophylus
• Anopheles hyrcanus
• Anopheles kosiensis
• Anopheles labranchiae
• Anopheles minimus
• Anopheles moucheti
• Anopheles nili
• Anopheles ovengensis
• Anopheles pampanae
• Anopheles peytoni
• Anopheles quadrimaculatus
• Anopheles rennellensis
• Anopheles rivulorum
• Anopheles stephensi
• Anopheles triannulatus