Wikipedia

Anslag in Saint-Étienne-du-Rouvray

Bi den Anslag in Saint-Étienne-du-Rouvray in dat franzöösche Département Seine-Maritime an’n 26. Juli 2016 hefft twee Mannslüde den kathoolschen Preester Jacques Hamel bi de Hillge Missen an’e Siet maakt. Beide Lüde hefft bekannt maakt, se hören to de Terror-Organisatschoon Islaamschen Staat (IS) mit to.

Achtergrund

ännern

Saint-Étienne-du-Rouvray is en Middelstadt in de Normandie. Dor wahnt bi 29.000 Lüde. Dor sitt de Verwaltung vun den Kanton mit sülvigen Naam in. De Stadt liggt bi 7 km in’n Süden vun Rouen an de Seine. De Preester Jacques Hamel, de dor bi umbrocht wurrn is, höör to de Karkengemeen vun de Stadt. He weer al siet Johren in Rente, man af un an hett he, as Vertreder, Karken holen.[1]

Wat passeert is

ännern

An’n 26. Juli 2016 gegen Klock 9.45 sünd twee Mannslüde dör en Achteringang in de Karken gahn. Dor hett de 85-Johre-ole Preester Jacques Hamel de Messe afholen. De Mannslüde hefft twee Ordenssustern un twee annere Lüde ut’e Gemeen in ehre Gewalt brocht un hefft den Preester de Kehlen dörsneden. En anner Opper is ok an’n Hals verwunnt wurrn un weer in Levensgefohr. As de beiden Mannslüde de Karken verlaten harrn, sünd se vun de Spezialeenheit Brigade de recherche et d’intervention (BRI) vun dat franzöösche Binnenministerium dootschaten wurrn.[2]

Wat dorachter stunn

ännern

De Police nationale ehr Anti-Terror-Deenst SDAP un de Staatsanwaltschop in Paris hefft de Saak unnersocht. Een vun de beiden Terroristen weer bi de Behörden bekannt un stunn unner Terrorverdacht. He weer 19 Johre oold un woll al vördem tweemol na Syrien utreisen. Dat leste Mol hett he dat 2015 versocht, man Behörden ut de Törkei harrn em torüchstüert na Frankriek. Dor hett em denn de Polizei in’n März 2016 mit en elektroonsch Armband utstaffeert, na de Aart vun en Elektroonschen Footstropp.[3][4] Over den IS-Telegrammdeenst Amaq is mitdeelt wurrn, bi de Angriepers harr sik dat um „Suldaten“ vun den Islaamschen Staat. De franzöösche Präsident Hollande hett foorts seggt, de Angriepers harrn de Saak in den Naam vun den IS unnernahmen.[5][6]

Belege

ännern
  1. ↑ [http://rouen.catholique.fr/se-renseigner/articles/304112-communique-de-presse-de-larcheveque-de-rouen-suite-a-la-prise-dotage-de-saint-etienne-du-rouvray/ Curé « in solidum » de Saint-Etienne du Rouvray en 2000 ; Prêtre auxiliaire à Saint-Etienne du Rouvray depuis 2005
  2. ↑ [1] France church attack: Priest killed by two ‘IS soldiers’, BBC News, 2016-07-26
  3. ↑ Michelle Muntau, Ylva Larsson: Gisslantagare i kyrka: Vi är från IS. Sveriges Television, 26. Juli 2016 (sweedsch).
  4. ↑ [Marit Kolberg, Kristian Elster, Tore Tollersrud: [2] Jeg flyktet da de angrep fader Jacques, Norsk rikskringkasting, 2016-07-26
  5. ↑ Kim Willsher, Julian Borger: [3] Normandy church attackers who killed priest ‘claimed to be from Isis’, 2016-07-26, The Guardian]] (engelsch)
  6. ↑ 'Déclaration à la suite de l'attentat perpétré à Saint-Etienne-du-Rouvray' – Video (3:29) up http://www.elysee.fr/
Vun „https://nds.wikipedia.org/w/index.php?title=Anslag_in_Saint-Étienne-du-Rouvray&oldid=1028530“