Ardem Patapoutian

Ardem Patapoutian (armeensch: Արտեմ Փաթափութեան; * 2. Oktober 1967 in Beirut) is en libaneesch-US-amerikaansch Molekularbioloog un Neurowetenschapler an Scripps Research in La Jolla, Kalifornien. 2021 wurr hüm gemeensam mit David Jay Julius de Nobelpries för Physiologie oder Medizin tospraaken.

LevenBearbeiten

Patapoutian, de sien Öllern beid Armenier sünd, hett de American University of Beirut besöcht, bevör he 1986 in de USA utwannern dee un deren Staatsbörgerschap annehm. 1990 kreeg he bi Judy A. Lengyel an de University of California, Los Angeles, en Bachelor in Zell- un Entwicklungsbiologie, 1996 bi Barbara Wold an dat California Institute of Technology sien Doktertitel (Ph.D.) in Biologie. As Postdoktorand hett Patapoutian bi Louis French Reichardt an dat Scripps Research Institute arbeit, wo 2000 en Professur kreeg. Tüschen 2000 un 2014 harr he en tosätzliche Forschungstätigkeit för de Novartis Research Foundation, siet 2014 forscht Patapoutian tosätzlich för dat Howard Hughes Medical Institute (HHMI).

Ardem Patapoutian erforscht de Signaltransduktschoon vun de Sensorik. He kunn wesentliche Bidrääg to dat Rutfinnen vun neeoordig Ionenkanäle un Rezeptoren leisten, de dör Temperatur, mechanische Kräfte oder höhger Zellvolumen aktiviert wurrn. Patapoutian un Mitarbeiter kunnen wiesen, dat disse Ionenkanäle bi de Temperaturempfinnen, bi de Berührungsempfinnen, bi de Propriozeptschoon, bi de Pieneempfinnen un bi de Regulatschoon vun den Gefäßtonus en herutragend Rull spelen. Jüngere Arbeiten bruuken Techniken vun de funktschonellen Genomik, um mechanosensitive Ionenkanäle to identifizeeren un to charakteriseeren (Mechanotransduktschoon).

Patapoutian hett lutt Google Scholar en h-Index vun 74,[1] luut de Datenbank Scopus en vun 70[2] (jewiels Stand Oktober 2021). He is siet 2016 Fellow vun de American Association for the Advancement of Science, siet 2017 Liddmaat vun de National Academy of Sciences[3] un siet 2020 vun de American Academy of Arts and Sciences. 2017 kreeg Patapoutian den W. Alden Spencer Award,[4] 2019 den Rosenstiel Award,[5] 2020 den Kavli-Pries för Neurowetenschapen as ok den BBVA Foundation Frontiers of Knowledge Award in Biologie/Biomedizin.[6]

För dast Opdecken vun Temperatur- un Tastsensoren wurr hüm 2021 gemeensam mit David Jay Julius de Nobelpries för Physiologie oder Medizin tospraaken.[7]

Enkeld NahwiesenBearbeiten

  1. Ardem Patapoutian. In: scholar.google.de. Google Scholar, afropen an’n 4. Oktober 2021.
  2. Patapoutian, Ardem. In: scopus.com. Scopus, afropen an’n 4. Oktober 2021 (engelsch).
  3. Ardem Patapoutian. In: nasonline.org. National Academy of Sciences, afropen an’n 15. Februar 2020 (engelsch).
  4. The Thirty-Ninth Annual W. Alden Spencer Award and Lecture. In: kavli.columbia.edu. The Kavli Institute for Brain Science, 27. Juni 2017, afropen an’n 15. Februar 2020 (engelsch).
  5. Lewis S. Rosenstiel Award for Distinguished Work in Basic Medical Research. In: brandeis.edu/rosenstiel. Rosenstiel Basic Medical Sciences Research Center, afropen an’n 15. Februar 2020 (engelsch).
  6. BBVA Foundation Frontiers of Knowledge Award 2020
  7. https://www.sueddeutsche.de/wissen/nobelpreis-medizin-physiologie-stockholm-1.5429503

WeblinksBearbeiten