Arp von Düring

Arp von Düring (döfft 15. April 1672 in Hornborg; † 12. Dezember 1732 in Düring) weer en düütschen Aadligen.

Von Düring is 1672 as veert von fiev Kinner von Maria Sylluke, borene von Brobargen († 18. Dezember 1674), un Arp von Düring (1630-20. April 1687) boren. He stammt ut de Familie von Düring un weer Arvherr to Düring un Hornborg. Von sien Opa Arp von Brobargen hett von Düring dat Good Brobargen in Laak arvt. Dat Good hett na von Düring sien Dood denn sien Süstersöhn Johann Friedrich von Issendörp arvt.

Von Düring weer Major, Hoffgerichtsassesser un von 1728 bet to sien Dood 1732 Präsident von de Ridderschop von dat Hertogdom Bremen.