Arteria laryngea inferior
De Arteria laryngea inferior („ünnere Kehlkoppslagader“) – in de Deermedizin as Arteria laryngea caudalis betekent – is en Arterie in’t Rebeet vun’n Hals.
Se twiegt ut de Arteria thyroidea inferior af un tütt tosamen mit den Nervus laryngeus recurrens an de Luftröhr na baven na de Achtersiet vun’n Kehlkopp (Larynx). Dor warrt se vun’n Musculus constrictor pharyngis inferior afdeckt.
De Arteria laryngea inferior versorgt den Deel vun’n Kehlkopp de ünner de Stimmritz liggt mit suerstoffriek Blood.
Literatur
ännern- T. H. Schiebler (Rgv.): Anatomie. Springer, Heidelbarg 2005. ISBN 3-540-21966-8.