Arthur Schmidt-Kügler

Arthur Schmidt-Kügler (* 21. Februar 1883 in Schroda; † weet man nich) weer en düütschen Verwaltungsbeamten.

Schmidt is 1883 in Schroda boren un weer op dat Matthiasgymnasium in Breslau. He hett an de Universitäten Breslau un Freiburg Juristeree studeert un 1908 de eerste Staatsprüfung maakt. In’n Oktober 1912 hett he de Grote Staatsprüfung maakt un is Gerichtsassesser worrn. 1913 bet 1917 weer he Hülpsrichter bi dat Amtsgericht Breslau. He is 1918 Regerungsassesser in de prüßsche Verwaltung för de direkten Stüürn worrn un 1919 Baas von dat Stüüramt Brieg. He is in’n April 1920 Regerungsraad bi dat Finanzamt Brieg worrn un in’n April 1931 as Böverregerungsraad Baas von dat Finanzamt in Reichenbach (Eulengebirge).

An’n 1. Mai 1933 is Schmidt in de NSDAP intreden.

He weer von 1933 bet 1936 Regerungspräsident von’n Regerungsbezirk Oppeln un denn von 1936 bet 1944 Regerungspräsident von’n Regerungsbezirk Stood. In’n August 1944 is he in’n Wartestand versett worrn.