Regerungsbezirk Stood
De Regerungsbezirk Stood weer bet 1978 een von de acht neddersassischen Regerungsbezirken. He leeg in’t Elv-Werser-Dreeeck op dat Rebeed von de Landdrostie Stood un de olen Hartogdömer Bremen un Veern.
_-_panoramio.jpg)
Historie
ännernDe Regerungsbezirk Stood is an’n 1. April 1885 grünnt worrn, as de Landdrostien in dat fröhere Königriek Hannover (siet 1866 prüüßsche Provinz Hannover) oplööst un in Regerungsbezirke ümwannelt worrn sünd. Prüßen weer al siet 1815 in Regerungsbezirke indeelt un dat is 1885 för Hannover denn nahaalt worrn. De Regerungsbezirk Stood is ut de Landdrostie Stood billt worrn.[1] De olen Ämter sünd dor denn bi to wat gröttere Kreise tohoopleggt worrn. De Landdrostie Stood harr to disse Tied üm un bi 300.000 Inwahners.[2]
1885 hebbt to’n Regerungsbezirk Stood de 14 Landkreise Achem, Blomendal, Bremervöör, Geestmünn, Hadeln (Seet in Oterndörp), Jörk, Keden (Seet in Freeborg), Leh, Neehuus, Oosterholt (Seet in Oosterholt-Scharmbeek), Rodenborg in Hannover, Stood, Veern un Zeven tohöört. 1924 sünd de Städer Leh un Geestmünn, de siet 1913 kreisfree weren, to de kreisfre’e Stadt Wersermünn tohoopgahn, de bet 1947 to’n Regerungsbezirk Stood höört hett. Bi de Kreisreform von 1932 is de Tall Landkreise op söven dalgahn. Blomendal is en Deel von’n Kreis Oosterholt worrn, Achem von Veern, Zeven von Bremervöör, Neehuus un Hadeln sünd to’n Landkreis Land Hadeln tohoopgahn, Jörk un Keden sünd deel von Stood worrn un de Kreise Geestmünn un Leh sünd to’n Landkreis Wersermünn tohoopslaten worrn.
1937 is dör dat Groot-Hamborg-Gesett dat Amt Ritzbüttel as kreisfre’e Stadt Cuxhoben an’n Regerungsbezirk Stood kamen. 1939 is de Stadt Bremerhoben, de vörher to Bremen höört harr, Deel von de Stadt Wersermünn worrn, Delen von de Landkreise Oosterholt un Veern güngen an de Stadt Bremen un weren denn nich mehr Deel von’n Regerungsbezirk.
1947 hebbt dat OMGUS un de brietsche Militärregerung dat Land Bremen wedder herstellt, dat denn ut de Städer Bremen un Wersermünn bestünn. Wersermünn hett kort later den Naam Bremerhoben kregen.
Bi de Kreisreform, de in Neddersassen twüschen 1973 un 1977 maakt worrn is, sünd de Kreise to gröttere tohoopslaten worrn un de kreisfre’e Stadt Cuxhoben is Deel worrn von’n ne’en Landkreis Cuxhoben. De Regerungsbezirk bestünn nu ut de fiev Landkreise Cuxhoben, Oosterholt, Rodenborg, Stood un Veern. De Bezirk harr to disse Tied knapp 700.000 Inwahners. 1978 is dat Rebeed von’n Regerungsbezirk Stood denn an’n Regerungsbezirk Lümborg gahn.
Veel regionale Institutschonen so as de Industrie- un Hannelskamer, de Landweertschopskamer oder de Sprengel Stood von de evangeelsch-lutherische Landskark Hannover hebbt noch jümmer de Grenzen, de von de ole Landdrostie un den Regerungsbezirk Stood afkaamt.
| Landkreis | Inwahners 1890 |
Inwahners 1900 |
Inwahners 1910 |
Inwahners 1925 |
Inwahners 1933 |
Inwahners 1939 |
Inwahners 1969 |
Inwahners 1980 |
|---|---|---|---|---|---|---|---|---|
| Blomendal | 22.547 | 30.353 | 39.535 | 43.104 | ||||
| Oosterholt | 28.232 | 29.205 | 31.284 | 32.545 | 80.216 | 41.529 | 80.600 | 93.700 |
| Achem | 20.981 | 24.051 | 28.555 | 33.717 | ||||
| Veern | 25.125 | 26.392 | 27.638 | 28.177 | 63.441 | 51.643 | 88.900 | 110.300 |
| Zeven | 14.060 | 15.318 | 15.825 | 20.569 | ||||
| Bremervöör | 17.040 | 18.159 | 19.858 | 22.305 | 44.021 | 45.455 | 72.700 | |
| Rodenborg (Hannover) | 19.642 | 21.128 | 25.425 | 29.171 | 30.947 | 33.821 | 57.100 | |
| Rodenborg (Wümm) | 138.400 | |||||||
| Geestmünn | 35.398 | 41.906 | 51.002 | 23.355 | ||||
| Leh | 32.165 | 43.040 | 58.685 | 23.736 | ||||
| Wersermünn | 47.695 | 49.632 | 78.900 | |||||
| Stadt Wersermünn | 72.065 | 77.461 | 86.043 | |||||
| Neehuus | 29.111 | 29.684 | 29.383 | 27.020 | ||||
| Hadeln | 16.652 | 15.959 | 16.662 | 16.921 | ||||
| Land Hadeln | 42.281 | 43.827 | 64.200 | |||||
| Stadt Cuxhoben | 22.094 | 45.200 | ||||||
| Cuxhoben | 191.700 | |||||||
| Keden | 21.014 | 19.993 | 19.741 | 19.146 | ||||
| Jörk | 20.899 | 21.028 | 21.050 | 21.064 | ||||
| Stood | 35.359 | 38.804 | 42.712 | 44.652 | 88.253 | 88.548 | 139.400 | 163.400 |
| alltohoop | 338.225 | 375.020 | 427.355 | 457.547 | 474.315 | 462.592 | 627.000 | 697.500 |
Regerungspräsidenten
ännern- 1. April 1885–1888: Ludwig Eberhard Franzius
- 1888–1895: Gustav Bernhard von Heyer
- 1895–1899: Edgar Himly
- 1899–1909: Rudolf von Reiswitz und Kaderzin
- 1909–1911: Kurd von Berg-Schönfeld
- 1911–1922: Hans Grashoff
- 1922–1933: Hermann Rose, op Druck von’n Gauleider Otto Telschow as Regerungspräsident trüggtreden
- 1933–1936: Albert Leister
- 1936–1944: Arthur Schmidt-Kügler
- 1944–1945: Hermann Fiebing
- 1945: Oskar Brenken, kommissarsch
- November 1945–1948: Johann Thies
- 1948–1950: Werner Pollack
- 1950: Friedrich Knost, kommissarsch
- 3. Januar 1950[4]–1954: Walter Harm
- 1954–1958: Otto Wendt
- 1958–1959: Curt Miehe, kommissarsch
- 1959–1973: Helmut-Ernst Miericke
- 1973–1977: Joachim Passow, as Regerungsviezpräsident vertredungswies
Footnoten
ännern- ↑ Koort von de Landdrostie Stood
- ↑ HGIS Multimedia Staatsarchiv: Landdrostie Stood
- ↑ M. Rademacher Geschichte on Demand Daten der Kreise der Provinz Hannover
- ↑ http://www.abendblatt.de/archiv/article.php?xmlurl=http%3A%2F%2Farchiv.abendblatt.de%2Fha%2F1950%2Fxml%2F19500104xml%2Fhabxml50_210.xml&pdfurl=http%3A%2F%2Farchiv.abendblatt.de%2Fha%2F1950%2Fpdf%2F19500104.pdf%2FASV_HAB_19500104_HA_003.pdf
