Au (Medem)

Au
Laag	Neddersassen
Stroomsystem	Elv
Born	Beerser See
Münn	billt bi Helmworth de Mehm
linke Blangenströöm	Leh
rechte Blangenströöm	Möh
schippbor	nee

De Au weer fröher en Beek in’n Landkreis Cuxhoben in Neddersassen, de bi Helmworth tohoop mit Moorwettern un Straatdiekwettern tohoopflütt un de Mehm billt. Vondaag besteiht de Au dör Waterboarbeiden blots noch in Resten.

De Born von de Au is de Beerser See bi Beers. De Beek flütt in’n Westen von’n See rut un löppt na Noorden. Op de eersten veer Kilometer is de ole Loop von de Au as Deel von’n Haadler Kanaal utboot. Bi Höörn geiht de Kanaal in en annere Richt wieder un de ole Loop von de Au is man nich mehr as en Graven. De Leh, de von’n Flögelner See kummt, flütt hier rin’e Au. Se flütt denn twüschen Westersied un Steenau langs un denn an Mehmstood vörbi. Bi dat Süderenn von Steenau münnt de Möh in de Au. Bi Helmworth geiht de Beek denn mit Moorwettern un Straatdiekwettern tohoop un warrt Mehm nöömt. De Landsstraat 117 löppt jümmer groff in de sülve Richt as de Au.

Weblenken

Au (Medem). Mehr Biller, Videos oder Audiodateien to’t Thema gifft dat bi Wikimedia Commons.