Helmworth

Oort in’n Landkreis Cuxhoben, Neddersassen
Wapen/Flagg Koort
hett keen Wapen
Helmworth
Laag vun Helmworth in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Helmworth
Inwahners:
Postleettall: 21775
Vörwahl: 04755
Geograafsche Laag:
Koordinaten:53° 44′ N, 8° 55′ O
53° 44′ N, 8° 55′ O

Karte

Helmworth (hoochdüütsch Ihlienworth) is en Dörp in de Gemeen Helmworth (Samtgemeen Land Hadeln) in’n Landkreis Cuxhoben, Neddersassen.

Luftbild von dat Dörp von Süden keken (2013)

Geografie ännern

 
Mehm-Schöppwark in Helmworth

De Oort liggt in dat Siedland von Hadeln an de Au, de hier to de Mehm warrt.

De Naveröörd sünd dat Süderenn von Neenkarken un Heimhusen in’n Noorden, dat Süderenn von Oosterbrook mit’n Swienskopp, Ophusen un de Siedendeel in’n Noordoosten, Mislag in’n Süüdoosten, Stroodiek in’n Süden, Mehmstood mit Veerhusendörp in’n Süüdwesten, de Helmworther Middeldeel un Westerdeel in’n Westen un de Wetternweg un Hasendörp in’n Noordwesten.

Historie ännern

Helmworth kummt 1139 as Illingstede toeerst in de Oorkunnen vör un later as Elingewerh.

Dat Schöppwark an de Mehm is 1928 boot worrn un sorgt tohoop mit dat Schöppwark Oterndörp dor för, dat dat Water ut dat Siedland afföhrt warrt.

In’n Eersten Weltkrieg sünd 67 Soldaten ut Helmworth fullen oder vermisst un in’n Tweten Weltkrieg 161.[1]

Verwaltungsgeschicht ännern

Helmworth weer vör 1852 opdeelt op de Kaspelsgerichten Wester-Helmworth un Ooster-Helmworth in dat Land Hadeln un hett denn von 1852 bet 1885 to dat Amt Oterndörp höört. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

An’n 1. Oktober 1937 hebbt sik de Gemenen Wester-Helmworth un Ooster-Helmworth to een Gemeen tohoopslaten. Eerst siet düsse Tied besteiht Helmworth in de hüdige Form.

Religion ännern

 
Kark in Helmworth

Helmworth is evangeelsch-luthersch präägt un is de Hauptoort von dat Kaspel von de Wilhadi-Kark.

För de Kathoolschen is de Hillig-Krüüz-Kark in Oterndörp tostännig.

De Doden warrt op’n Karkhoff Helmworth begraven.

Kultur ännern

In Helmworth steiht en Denkmaal för de Fullenen ut de twee Weltkrieg’.

Verenen ännern

De Schüttenvereen Helmworth is an’n 25. Mai 1907 grünnt worrn un de Turn- un Sportvereen Helmworth 1910.

Weertschop un Infrastruktur ännern

Helmworth hett en egene freewillige Füürwehr, de an’n 15. März 1894 grünnt worrn is.

De Oort gellt as Grundzentrum för de Öörd in de Ümgegend.

De Filiaal von de Werser-Elv-Spoorkass in Helmworth hett to’n 1. April 2019 dichtmaakt.

Verkehr ännern

Dör Helmworth löppt de Landsstraat 117, de in’n Noorden na Neenkarken an de L 118 un wieder na Oterndörp geiht un in’n Süüdwesten över Mehmstood un de Steenauer Westersied na Beers. In’n Westen löppt de Kreisstraat 5 na Westerwannen an de L 118 un in’n Süüdoosten de K 20 över Mislag na Lüchtenpils twüschen Godshem un Bülkau an de L 144.

De nächste Autobahn is de Autobahn 27 (Afsnidd CuxhobenBremerhoben). De Opfohrt 4 Niewohl liggt so 18 Kilometer in’n Westen von Helmworth an de K 14.

De nächste Bahnhoff is so bi acht Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen ännern

In dat Dörp besteiht de Grundschool Helmworth.

Lüüd ännern

De plattdüütsche Schriever un Antisemit Gustav Stille weer von 1872 bet 1903 Dokter in Helmworth.

Footnoten ännern

  1. Onlineprojekt Gefallenendenkmäler