Aubeek
Laag Neddersassen
Stroomsystem Elv
Läng 14,8 km
Afströömrebeed 69,2[1] km²
Born bi Garlstörp
Münn bi Luhdörp in de Luh
linke Blangenströöm Bleckwischenbeek, Hoogholtbeek, Peerbeek, Wulfser Beek

De Aubeek is en 14,8 Kilometer langen[2] Beek op de Toppenstäer Geest, de von links in de Luh münnt.

De Born von’n Aubeek liggt in’n Süüdwesten von Garlstörp. Von dor flütt de Beek na Noordoosten un al na en kort Stück geiht de Autobahn 7 över den Beek weg. De Aubeek flütt denn an Garlstörp langs un dreiht na Noorden. Von links nimmt de Beek en ganze Reeg annere Beken op, ünner annern den Bleckwischenbeek un den Hoogholtbeek. De Aubeek flütt denn dör Toppenstää, kummt an Nee Gastää un Gastää langs un nimmt twüschen Tangendörp un Wulfsen den Peerbeek op, de sien Born bi Braackel hett. Bi Wulfsen münnt ok de Wulfser Beek in’n Aubeek, de sien Born bi Thieshoop hett. De Aubeek dreiht hier denn na Oosten un kort vör Beborg wedder op Noordoosten üm bi Luhdörp in de Luh to münnen.

Dat Water in de Luh flütt wieder in de Ilmenau, de Elv un de Noordsee.

Footnoten ännern

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 20′ N, 10° 12′ O