Gastää
Gastää (hoochdüütsch Garstedt) is en Dörp un Gemeen in de Samtgemeen Solzhusen in’n Landkreis Horborg in Neddersassen mit 1433 Inwahners (Stand 31. Dezember 2022).
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 14,93 km² | |
| Inwahners: | 1433 (31. Dezember 2022) | |
| Hööchd: | 30 m över de See | |
| Postleettall: | 21441 | |
| Vörwahl: | 04173 | |
| Geograafsche Laag: | Koordinaten:53° 17′ N, 10° 9′ O53° 17′ N, 10° 9′ O | |
| Grenzen bi OSM: | 310355 
| |
| Gemeenslötel: | 03 3 53 012 | |
| Öörd in de Gemeen: | 1 | |
| Börgermeester: | Christa Beyer (SPD) | |
| Websteed: | www.garstedt.de | |
|
Koort Kreis 
 | ||
Blangen Gastää sülvs höört to de Gemeen ok de lüttje Oort Nee Gastää mit to.
Geografie ännern
De Oort liggt in de Lümbörger Heid an dat linke Över von de Luh. In’n Noorden liggt dat Naturschuulrebeed Bebörger Brook.
De Navergemenen sünd Winsen in’n Noorden, Radbrouk in’n Noordoosten, Veerhöben in’n Süüdoosten, Solzhusen in’n Süden, Toppenstää in’n Süüdwesten un Wulfsen in’n Noordwesten.
De direkten Naveröörd sünd Luhdörp, Beborg un Radbrouk in’n Noordoosten, Veerhöben, We’ermööd, Sneed un Loobk in’n Süüdoosten, Solzhusen, Oilstörp un Gö’nstörp in’n Süden, Garlstörp un Toppenstää in’n Süüdwesten un Tangendörp, Wulfsen un Parrns in’n Noordwesten.
Historie ännern
Gastää kummt 1252 toeerst in de Oorkunnen vör.
In’n Eersten Weltkrieg sünd twölv Soldaten ut Gastää fullen oder vermisst un in’n Tweten Weltkrieg 44.[1]
Verwaltungsgeschicht ännern
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wulfsen Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Garlstörp in’n Kanton Garlstörp.
De Oort hett vör 1885 to de Amtsvaagdie Parrns in dat Amt Winsen tohöört. Blots in de Johren 1852 bet 1859 hett de Oort för en Tied to dat Amt Parrns höört. Na 1885 weer dat in’n Kreis Winsen un 1932 is dat Deel von’n Kreis Horborg worrn.
De Gemeen is an’n 1. Juli 1972 mit de Gemeenreform in Neddersassen Maat von de Samtgemeen Solzhusen worrn.
Inwahnertall ännern
| Johr | Inwahners |
|---|---|
| 1791[2] | 6 Füürsteden |
| 1812[3] | 182 |
| 1824[4] | 21 Füürsteden |
| 1848[5] | 237 Lüüd, 28 Hüüs |
| 1. Dezember 1871[6] | 293 Lüüd, 40 Hüüs |
| 1. Dezember 1885[7] | 321 Lüüd, 54 Hüüs |
| 1. Dezember 1905[8] | 371 Lüüd, 61 Hüüs |
| 1. Dezember 1910[9] | 409 |
| 1925[10] | 414 |
| 1933[10] | 438 |
| 1939[10] | 483 |
| 31. Dezember 1972[11] | 911 |
| 31. Dezember 1977[11] | 983 |
| 31. Dezember 1982[11] | 1.019 |
| 31. Dezember 1987[11] | 1.006 |
| 31. Dezember 1992[11] | 1.194 |
| 31. Dezember 1997[11] | 1.303 |
| 31. Dezember 2002[11] | 1.341 |
| 31. Dezember 2007[11] | 1.428 |
| 31. Dezember 2012[11] | 1.449 |
Religion ännern
Gastää is evangeelsch-luthersch präägt un höört to dat Kaspel von de Johannis-Kark in Solzhusen.
För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.
De Karkhoff Gastää liggt an de Hauptstraat en Stück in’n Süden von’n Oort.
Politik ännern
Gemeenraad ännern
| Johr \ Partei | Tall | CDU | SPD | UWG |
|---|---|---|---|---|
| 1996 | 11 | 4 | 2 | 5 |
| 2001 | 11 | 3 | 2 | 6 |
| 2006 | 11 | 3 | 2 | 6 |
| 2011 | 11 | 3 | 4 | 4 |
| 2016 | 11 | 3 | 6 | 2 |
- Liddmaten
- 2011:
- CDU: Eckhard-Herbert Arndt, Eckhard Domnick, Hans-Georg Stolte
- SPD: Christa Beyer, Christina Lütchens, Wolfgang Plath, Jan Tiemann
- UWG: Klaus Hartmann, Jürgen Hoops, Gerd Trautvetter, Klaus-Peter Wind
- 2016:
- CDU: Eckhardt-Herbert Arndt, Eckhard Domnick, Hans-Georg Stolte
- SPD: Christa Beyer, Christina Lütchens, Wolfgang Plath, Reinhard Sprandel, Carsten Styra, Jan Tiemann
- UWG: Heiko Büchner, Klaus Hartmann
Börgermeesters ännern
| Tied | Naam | Partei |
|---|---|---|
| –2011 | Klaus-Peter Wind | UWG |
| 2011– | Christa Beyer | SPD |
Wapen un Flagg ännern
Dat Wapen von de Gemeen wiest op grönen Grund en Krieger in sülvern Gewand mit gollen Schoh, gollen Gördel, gollen Kragen un gollen Speer in de Hand, de op en sülvern Schildfoot steiht.
Kultur ännern
In Gastää steiht en Denkmaal för de Fullenen ut de twee Weltkrieg’.
Verenen ännern
De Schüttenvereen Gastää-Wulfsen is 1928 grünnt worrn.
Bruukdom ännern
In Gastää warrt in’n Winter Faslam fiert.
Weertschop un Infrastruktur ännern
Gastää hett en egene freewillige Füürwehr, de 1913 grünnt worrn is.
Verkehr ännern
Dör Gastää löppt de Landsstraat 234, de in’n Noordoosten över Luhdörp un Reidörp na Winsen geiht un in’n Süden över Solzhusen, Puunsen un Olndörp na Amelkusen. In’n Süüdwesten geiht de L 212 över Toppenstää un Garlstörp na Äästörp.
De nächste Autobahn is de Autobahn 39 (Afsnidd Hamborg–Lümborg). De Opfohrt 3 Winsen-West liggt so negen Kilometer in’n Noorden von Gastää an de K 8. De Opfohrt 39 Thieshoop op de Autobahn 7 (Afsnidd Hamborg–Hannover) liggt teihn Kilometer in’n Noordwesten an de L 215.
De nächste Bahnhoff is so bi negen Kilometer wied weg in’n Noordoosten de Bahnhoff Winsen an de Bahnlien Hamborg–Hannover. Von 1906 bet 1970 hett dat ok Personenverkehr op de Bahnlien Winsen–Hützel geven. De Bahnhoff Wulfsen leeg in düsse Tied twee Kilometer in’n Noordwesten.
Scholen ännern
De Oort hett en Kinnergoorn un de Kinner gaht op de Grundschool Gastää.
Lüüd ännern
De plattdüütsche Schrieversche Annetta Schulz leevt in Gastää.
Footnoten ännern
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 79
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 202
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ a b c d e f g h i http://www.nls.niedersachsen.de/
Weblenken ännern
- Websteed von de Gemeen (hoochdüütsch)
Äästörp | Appel | Asendörp | Bendstörp | Bookholt | Braackel | Draag | Duhrn | Dreest | Eyndörp | Garlstörp | Gastää | Gö’nstörp | Handörp | Hanstää | Harmstörp | Hassbossel | Heidenau | Hullnst | Jesborg | Kakenstörp | Königsmoor | Marxen | Mesborg | Meschacht | Otter | Resbossel | Rosengoorn | Seevdaal | Solzhusen | Stell | Tesp | Toppenstää | Töst | Unnel | Veerhöben | Vosshusen | Will | Winsen | Winzendörp | Wist | Wulfsen