August Eiebakke

August Eiebakke (* 25. April 1867 in Askim; † 21. Juli 1938 in Oslo) weer en norweegsch Maler.

Gröön Landschap, 1906

August Eiebakke keem 1883 nah Kristiania, wo he de Königliche Kunstschool besöcht hett. To glieker Tiet nehm he ok Ünnerricht bi Christian Krohg un Eilif Peterssen. To'n eersten Mal apenlich uptreden is he 1887 bi de Harvstutstellen, wo he Anerkennung för sien naturalistisch Volkdomsschilderungen wunn. 1890 hett he Anretning malt (Natschonalmuseum Oslo).

1891 un 1896 weer August Eiebakke Schöler bi Kristian Zahrtmann in Kopenhagen. 1892 reis he nah Paris un 1893 un 1895 nah Italien. Beinfloot vun Italien fung he an, religiöös Biller un Altarbilder in en neoromantischen Stil to malen, as to'n Bispeel Kristus tager Afsked med de 11 Apostle 1900/1901. Doch is he ok weer to sien fröhere naturalistischen Formenspraak trüggkehrt.

1910-37 weer he Lehrer an de håndverks~ og kunstindustriskole in Oslo.

Literatur

Karin Sidén (Hrsg.), Nordiskt sekelskifte. The Light of the North. Stockholm 1995.

Weblenken

August Eiebakke. Mehr Biller, Videos oder Audiodateien to’t Thema gifft dat bi Wikimedia Commons.

Biographie, Store norske leksikon