Norwegen

Norwegen
Kongeriket Norge
Kongeriket Noreg
Norgga gonagasriika


Flagg	Wapen

Kör'd Snack: Norweegsch:
Enige og tro til Dovre faller

Natschonalhymne= Ja, vi elsker dette landet

Amtsspraak

Norweegsch (Bokmål / Nynorsk),
Davvisámegiella.
(Åarjelsaemien gïele, Julevsámegiella, Kvääni, Romani rakripa un Romani chib sünd ok offiziell as Minnerheiten- oder Regionalspraken acht)

Staatsform

Stortinget
L Sámediggi

Hööftstadt

Oslo (666.759 Inwahners 2017)

König
Ministerpräsidentin

Harald V
Jonas Gahr Støre

Grött

385.207^[1] km²

Tahl vun de Inwahners

5.488.984^[2](2023)

Bevölkerungsdicht

14,3 Inwahners op den km²

Norsk krone (NOK)

MEZ (UTC+1)

N

.no

+47

Norwegen (norweegsch Norge, Noreg oder Norga) is en Keunigriek, wat in’n Noorden vun Europa an’t Europääsche Noordmeer liggt (Skandinavien). Navers sünd Finnland, Russland un Sweden. De Hööftstadt is Oslo.

Spraken ännern

Amtsspraak is Norweegsch, in’n Norden ok Lappsch un Kveensch.

Geographie ännern

Norwegen is mit 385.252 km² en beten grötter as Düütschland, hett aver blots 5,4 Millionen Inwahners (Stand 2022). Dat Land streckt sik ut över ene Längde vun 3000 km vun Kristiansand in’n Süden bit Hammerfest in’n polaren Norden un Kirkenes an de Grenzscheed to Russland. Norwegen is bekannt för siene Fjordküst.

Staat ännern

Dat Parlament vun Norwegen löös 1905 de Union mit Sweden up. Een halv Jahr later worr de däänsche Prinz Carl as norweegsche König Haakon (1872-1957) vereedigt. As de düütsche Wehrmacht an’n 9. April 1940 dat Land besetten de, gung he in’t Exil na England un keem in’n Mai 1945 trügg. Dat Land hett de NATO mit grünnt, aver in twee Afstimmen weer dat Volk dargegen, in de EU intoträen. De Verfaten is demokraatsch, de Traditschoon is ok vun’e Hansetiet prägt.

Dör dat Ööl un Gas, dat siet de söventiger Jahren ut de Noordsee föddert warrt, is Norwegen to een vun de rieksten Länner up de Welt worrn.

Norwegen is indeelt in 11 Ämter (Fylke), de in fief Landsdelen liggt, de blots statistischen Zweck hebbt. De Ämter sünd wedder indeelt in Kommunen, vun de dat 356 gifft (Stand 1. Januar 2020).

Fylker i Norge 2020

^[3]

#	Amt	Hööftstadt
3	Oslo	Oslo
11	Rogaland	Stavanger
15	Møre un Romsdal	Molde
18	Nordland	Bodø
30	Viken	Oslo, Drammen, Sarpsborg
34	Innlandet	Hamar, Lillehammer
38	Vestfold un Telemark	Skien, Tønsberg
42	Agder	Kristiansand, Arendal
46	Vestland	Bargen, Leikanger
50	Trøndelag	Steinkjer
54	Troms un Finnmark	Tromsø, Vadsø