Ballechin
Land Schottland
Region Highlands
Tyyp Malt
Status stillleggt (1927)
Besitter  
Grünnt 1810
Waterborn Collin’s Hollow
Washstill(s) 1 × 753 Gallonen (1886)[1]
Spiritstill(s) 1 × 660 Gallonen (1886)
Produkschoonsvolumen 18.000 Gallonen (1886)

Ballechin (roor ok Ballechan) weer en Whisky-Brenneree in de Neeg vun Ballinluig, Perth and Kinross, Schottland.

Historie ännern

De Destille höör tosamen mit Auchnagie un Grandtully un fief annere to en Koppel vun Brennereen vun de Buerns in dat Rebeet, vun de hüüt as eenzige noch Edradour in Bedrief is. To’n Andenken an de Destille gifft dat siet 2002 vun de Edradour-Brenneree Whiskys ünner den Markennaam Ballechin.[2] Dordör warrt de törfigen Whiskys togliek ok vun de tyypschen Edradour-Whiskys afgrenzt.

Grünnt weer de Brenneree 1810 vun en Koppel vun Buerslüüd. De letzte vun de Grünners, Robert Kennedy, is 1875 doodbleven. Dorna wessel de Destille in’n Besitt vun Robertson & Sons.[1] Man, dat geev dorna noch verschedene annere Besitters. De letzte dorvun weer William Rose, de de Brenneree 1927 opgeven und dicht maakt hett.[3] De Bowakren vun de Brenneree staht deelwies noch, verfallt aver jümmer mehr.

De Brenneree Ballechin is 1886 vun Alfred Barnard wiel sien Whiskyreis besöcht worrn. Dormols harr de Destille en Produkschoonsvermögen vun 18.000 Gallonen in’t Johr. Dat Water för de Produkschoon weer ut de Collin’s Hollow nahmen. Brennt weer mit een wash still un en spirit still.[1]

Kiek ok ännern

Borns ännern

  1. a b c A. Barnard: The Whisky Distilleries of the United Kingdom, 1887, S. 278–280.
  2. John Hansell: Edradour releases fourth edition of “Ballechin”, 2009.
  3. Beschrieven op lostdistillery.com


Koordinaten:56° 39′ N, 3° 44′ W