Grandtully
| Grandtully | |
|---|---|
| Land | Schottland |
| Region | Highlands |
| Tyyp | Malt |
| Status | stillleggt (1910) |
| Besitter | |
| Grünnt | 1825 |
| Grünner | Andrew Campbell & Co. |
| Washstill(s) | 500 Gallonen (1886)[1] |
| Produkschoonsvolumen | 5.000 Gallonen |
Grandtully, ok Granthly nöömt, weer en Whisky-Brenneree in de Neeg vun Aberfeldy, Perth and Kinross, Schottland. Se höör to dat schottische Whiskyrebeet Highlands.
Historie
ännernDe Brenneree weer 1825 vun A. Campbell & Co boet. De Destille höör tosamen mit Ballechin, Auchnagie un fief annere to en Koppel vun Brennereen vun de Buerns in dat Rebeet, vun de hüüt as eenzige noch Edradour in Bedrief is. Se hett veermol den Besitter wesselt,[2] bit se 1837 in de Hannen vun James Thomson kamen is. Sien Familie hett de Brenneree bit 1910 wieter föhrt. Se weer een vun de lüttsten Destillen vun Schottland. As Alfred Barnard 1886 wiel sien Whiskyreis de Brenneree besöcht hett, harr se en Produkschoonsvermögen vun 5.000 Gallonen in’t Johr.[1]
Twüschen 1992 un 1997 – söventig Johren na Enn vun’n Bedrief – weer de Naam Grandtully för Bedregereen bruukt: Fattwies weer Whisky, de vörgeevlich ut de Grnadtully-Destille kamen schüll, mit hoge Gewinnutsichten an Anleggers verköfft worrn. Dorbi leeg de Verkoopspries al wiet över den Weert vun de Fatten. In Wohrheit keem de Whisky ut de jungen Brenneree The Speyside, de sülvst aver nix mit de Bedregeree to doon harr. De wohre Schullige es to fief Johren Gefängnis veroordeelt worrn.[3][4]
Kiek ok
ännernBorns
ännern- ↑ a b A. Barnard: The Whisky Distilleries of the United Kingdom, 1887, S. 276–277.
- ↑ Indrag op wormtub.com
- ↑ A. Cave: „Liquid gold“ whisky man is found guilty of fraud, The Telegraph, 24. April 2004
- ↑ T. Thorniley: Whisky fraudster jailed for five years, The Telegraph, 22. Mai 2004
Koordinaten:56° 38′ N, 3° 50′ W