De Barger Heid is en Landschopsschuulrebeed in’n Süden von de Stadt Stood. Dat Gelänn süden von Groot Thun un Barg is üm un bi 40 Hektar groot.

In de letzte Iestied hett dat Ies Steen un Sand in de Landschop bröcht. Na de Iestied hett de Wind, de vör allen von Westen keem, den Sand to Dünen opweiht. Disse Dünenlandschop is ok vondaag noch dör de bet to veer Meter hogen Huckels ruttokennen. De Barger Heid stiggt von fiev Meter bet op twölv Meter över de See an.

Delen von de Barger Heid sünd in dat 19. Johrhunnert as Ackerland bruukt worrn. Na 1871 hett de Stoder Garnison ehr as Manövergelänn bruukt. Nadem de Heid na’n Eersten Weltkrieg wedder för de Bueree bruukt worrn is, is dor 1935 en Truppenövungsplatz inricht worrn. Ut de Sandkuhl blangento is 1938 Sand rutnahmen worrn üm de Rullbahnen von’n Flegerhorst Stood optoschüdden.

1980 hett de Stadt Stood de Barger Heid köfft un ehr 1989 ünner Landschopsschuul stellt.

Literatur ännern


Koordinaten:53° 34′ N, 9° 27′ O