Barg (Stood)

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Stood
Inwahners:
Postleettall:	21680
Vörwahl:	04141
Geograafsche Laag:	53° 35′ N, 9° 28′ O

Barg (hoochdüütsch Barge) is en Dörp in de Gemeen Stood in’n Landkreis Stood, Neddersassen.

Geografie

Barg liggt op de Geest an’n Rand von de Maschen langs de Swing, de in’n Westen bi Groot Thun langsflütt. In’n Süden liggt de Barger Heid.

De Naveröörd sünd Stood in’n Noorden, Riensföör in’n Oosten, Hagen in’n Süden un Groot Thun in’n Westen.

Historie

In de Oorkunnen kummt de Naam toeerst 1337 vör.

Bet in dat 18. Johrhunnert harr Barg man een Buurhoff, twee Katen un een Möhl. Later is de Inwahnertall denn wussen. Bi Barg hebbt se denn von 1934 af an den Flegerhorst Stood boot. Dat weer denn ok de Grund, dat Barg an’n 15. August 1935 Deel von de Gemeen Stood worrn is.

Vondaag is de Stadt Stood bet direkt an Barg ranwussen, hett den Oort aver noch nich sluukt.

Inwahnertall

Johr	Inwahners
1824-00-001824	6 Füürsteden
1848-00-001848	41 Lüüd, 6 Hüüs
1871-12-011. Dezember 1871	38 Lüüd, 5 Hüüs
1910-12-011. Dezember 1910	114
1925-00-001925	141

Religion

Barg is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Kultur

Verenen

De Kameradschop Stood-Barg as Krieger- un Schützenvereen in een is 1885 grünnt worrn.

Infrastruktur

Verkehr

Barg liggt an’n Barger Weg, de in’n Noordwesten na Stood rinlöppt un an de Bundsstraat 73 ran. In’n Oosten löppt de Barger Weg na Riensföör an de Landsstraat 124. Ans gifft dat noch en lüttjere Straat na Süden, över den een ünner annern na Groot Thun kamen kann.

De nächste Bahnhoff is de in Stood an de Nedderelvbahn, de so bi 3,5 Kilometer weg is.