Bartholomäus (Vörnaam)

De Vörnaam Bartholomäus kummt ut de aramääsche Spraak. Dat bedutt Tolmai sien Söhn (Tolmai heet Förentrecker) un is dor also en Patronym mit. Bekannt is de Jünger Bartholomäus, een vun Jesus siene twolf Apostels, de düssen Naam dregen deit. Dat, wat as den sien Bregenpann ansehn warrt, is hüdigendags een Deel vun den Schatt vun den Dom in Frankfort an'n Main. Düsse Dom heet „Sankt Bartholomäus“. De Naamsdag vun Sankt Bartholomäus is de 24. August. Dorüm warrt de Nacht vun den 24. August 1572, as in Frankriek een grode Tahl vun de Hugenotten ümbrocht worrn is, ok Bartholomäusnacht nömmt.

Plattdüütsche Formen vun den Naam

Plattdüütsche Formen vun düssen Naam sünd Mewes un Mews.

Annere Spraken

Den Naam gifft dat in annere Formen noch in veele Spraken : Bartek, Bartús, Bartl, Barthel, Bartho, Barthol, Barthold, Bartholoma, Bartholomaus, Barti, Bartin, Bartle, Bartlet, Bartlett, Bartolome, Bartolv, Bartome, Bartolommeo, Barton, Bartos, Bartosch (slawisch?), Bartow, Barkto, Barkte (sorbisch), Bartt, Bates, Bertel, Jernej, Mawe, Mewes, Mils, Meo, Párlan, Parthálan, Pertu