Mewes
Mewes (ok Mews) is een plattdüütschen Vörnaam för Jungs.
Herkamen ännern
Mewes kümmt vun den aramääschen Naam Bartholomäus. Dat bedutt Tolmai sien Söhn (Tolmai heet Förentrecker). Meent is mit düssen Naam de Jünger Bartholomäus, een vun Jesus siene twolf Apostels. Dat, wat as den sien Bregenpann ansehn warrt, is hüdigendags een Deel vun den Schatt vun de Dom in Frankfort an'n Main. Düsse Dom heet „Sankt Bartholomäus“. De Naamsdag vun Sankt Bartholomäus is de 24. August. Dorüm warrt de Nacht vun den 24. August 1572, as in Frankriek een grode Tahl vun de Hugenotten ümbrocht worrn is, ok Bartholomäusnacht nömmt.
De plattdüütsche Naam ännern
De Plattdüütschen weeren jümmers een beten mundfuul un hefft de langen bibelschen Naams eerst mal afkört. Dor is denn vun den Naam Bartholomäus de korte Naam Mä-us vun wurrn. In plattdüütsche Utspraak weer dat denn Mewes oder ok Mews.
Plattdüütsche Tonaams ännern
Vun den plattdüütschen Vörnaam Mewes stammt ok de plattdüütschen Tonaams Mewes, Meves un Mews vun af. De bedüüt so veel, as : Ut Mewes sien Familie oder ok: Vun Mewes sienen Hoff.
Kiek ok nah bi ännern
Annere Spraken ännern
Den Naam Mewes gifft dat in anner Formen noch in veel Spraken : Bartek, Bartús, Bartl, Barthel, Bartho, Barthol, Barthold, Bartholoma, Bartholomaus, Barti, Bartin, Bartle, Bartlet, Bartlett, Bartolome, Bartolv, Bartome, Bartolommeo, Barton, Bartos, Bartosch (slawisch?), Bartow, Barkto, Barkte (sorbisch), Bartt, Bates, Bertel, Jernej, Mawe, Mewes, Mils, Meo, Párlan, Parthálan, Perttu
Weblenken ännern
