Baumanns Renett

Baumanns Renett

Baumanns Renett is een Sort vun’n Huusappel (Malus domestica), de ok ünner de Naams Rode Winterrenett, Baumanova Reneta, Reinette rouge d´hiver Baumann, Couronne des Dames u. a. bekannt is.[1]

Vun den Appel gifft dat vele Mutatschonen. Vun dree Typen warrt vertellt (mit rode Striepen, root-verwaschen un Root mit Steerns), wobi de root-striepige Tyyp vörtotehn is. De Appel is diploid un bleiht middelfröh.[1]. Butendem gifft dat ’n gode Sort to’n Befruchten[2] Gode Frücht laat sik aver blots winnen, wenn de Boom goot pleegt warrt un de Standoort goot is.

Verbreden un AfstammenÄnnern

De Appel is üm 1800 rüm vun Professer J. B. van Mons (Löwen, Belgien) as Samling vun unbekannte Öllernplanten utlesst worrn. De Sort is teemlich wiet verbreedt. Se schall üm 1811 na de Boomschoolbesitters de Bröder Baumann (Bollweiler, Elsass) nöömt wesen.

Baumanns Renett is 1874 vun’n düütschen Pomologenvereen in Trier to’n Anbo anraat worrn. Üm 1910 is se in’t Normalsortiment vun all öösterriekschen Kroonlänner mit Utnahm vun Dalmatien un de Bukowina opnahmen worrn.[3]

AnspröökÄnnern

För’n anstännige Oorn is en sünnige Middelbargslaag mit utgleken Waterhussholt fein.[1]. De Anbo is opbest bi över 500 m Hööch över NN. Bito warrt frische un nehrstoffrieke Boddens bruukt.

Forst- un Schorflagen schülln ümgahn warrn, vun wegen dat de Appel för Holtfrost (wegen sien laten Drievafsluss) un för Schorf anfallig is. Dat is de ok gegenöver Boomkrebs, Blood- un Blattlüüs, as ok op Lager för Lagerschorf, Schaalbrunen un Fulen. He schall nich ünner +3 °C lagert warrn.

Vör- un NadelenÄnnern

Goot is an den Appel, dat de Oorn fröh insetten deit. He tekent sik ok ut dör gliekmatige, hoge Utbüüt un wiest blots lütte Anfalligkeit för Alternanz. De Appel is wenig fienföhlig gegen Sprütten, de Blööt is teemlich frosthard un op Lager warrt he kuum welk. Butendem is de Appel wenig fienföhlig gegen Druck un lett sik dorüm goot transporteeren.

He is geern bruukt vun wegen sien Klöör un weer fröher to’n Bispeel en klassischen „Wiehnachtsappel“. De Appel is twüschen Dezember un März riep to’n Geneet.

Smacklich kann de Sort aber nich mit de aromaatscheren Sorten mithollen. Wenn de Standoort nich goot is, billt de Sort blots lütte Fücht ut. Un nich toletzt is de ok teemlich anfallig för Krankheiten.

BornsÄnnern

  1. a b c G. Götz, R. Silbereisen: Obstsortenaltas; Ulmer Verlag; Stuttgart 1989
  2. W. Hartmann: Farbatlas Alte Obstsorten; Ulmer Verlag; Stuttgart 2000
  3. J. Löschnig, H.M.Müller: Empfehlenswerte Obstsorten (Normalsortiment für Niederösterreich); Wilhelm Frick Verlag; Wien 1912

Kiek okÄnnern

WeblenkenÄnnern