Bukowina

Dit Woort hett noch annere Bedüden: kiek dorför ünner Bukowina (Mehrdüdig Begreep).

De Bukowina (russ’sch Bökenland) is en Rebeet an’n Oostrand vun de Wooldkarpaten, ’neem de Strööm Pruth un Sereth ehr Born hebbt. De Noorden liggt in de Ukraine, de Süden in Rumänien.

Vun dat 14. Johrhunnert af an höör de Bukowina to dat Förstendom Moldau. Na’n russ’sch-törkschen Krieg keem dat Land 1774 an Öösterriek. Vun 1782 sünd ünner öösterieksche Herrschop vele Inwannerers ut de Ukraine, Rumänien un düütsche Lannen na de Bukowina kamen. Vun 1850 af an weer de Bukowina denn en Kroonland binnen de Dubbelmonarchie Öösterriek-Ungarn. In disse Tiet harr de Bukowina ’n Grött vun 10.442 km². 1918 keem dat Rebeet an Rumänien. 1940 hett de Sowjetunion den Noorden innahmen, wat Rumänien sik 1941 trüchhaalt hett. 1944 hett wedder de Sowjetunion de Bukowina innahmen un 1947 müss Rumänien den Noorden offiziell afgeven. Mit dat Enn vun de Sowjetunion 1991 is de Gegend denn Deel vun de Ukraine bleven.