Beatrix Schuba

Beatrix „Trixi“ Schuba (* 15. April 1951 in Wien) is en ehmalge ööstrrieksch Ieskunstlöperin, de in’n Eenzelloop antreeden is. Se is Olympiasiegerin 1972, Weltmeesterin 1971 und 1972 as ok Europameesterin in de glieker Johren. Se hett hör Dööpnaam Beatrix Midden van de 1980er Johren in "Trixi" ännern un führt dissen Naam sietdem in all offiziellen Papeeren.

WerdegangÄnnern

Aktiv LoopbahnÄnnern

Mit veer Johren stunn Beatrix Schuba all eerstmals up Schöfels. Hör Öllern Ernst un Berta harrn en Holtgeschäft in den 1. Wiener Bezirk. As se 11 Johr olt weer, hett se all hör Vader verloren un hett all fröh in dat Geschäft van hör Moder mithulpen. Hier hett se nah den spoodrieken Afsluss van de Hannelsschool nahmiddags as Bookhollerin arbeit, vörmiddags traineer se Ieskunstloop.

Van 1967 bit 1972 wurr Schuba öösterrieksch Meesterin in’n Ieskunstloop un nehm in disse Tiet ok an Europa- un Weltmeesterschapen deel. 1967 keem se bi de Europameesterschapen in Ljubljana up den fieften Platz, dornah bi disse Veranstaltung immer up dat Podest. 1968 und 1969 wunn se achter Hana Mašková un Gabriele Seyfert de Bronzemedaille, 1970 wurr se achter Seyfert Viez-Europameesterin un 1971 in Zürich un 1972 in Göteborg, nah den Rückträe van Seyfert, sluutend Europameesterin. Bei Weltmeesterschapen wurr se nah en negenten Platz 1967 und einem veerten Platz 1968, in den Johren 1969 un 1970 Viez-Weltmeesterin achter Gabriele Seyfert. Nah dem Rückträe van de Löperin ut de DDR wuun se denn 1971 in Lyon un 1972 in Calgary de Goldmedaille. Schuba hett för Öösterriek an twee Olympisch Winterspelen deelnommen, 1968 in Grenoble keem se up den fieften Platz un 1972 in Sapporo wurr se Olympiasiegerin in’t Eenzel vör Karen Magnussen ut Kanada un de US-Amerikanerin Janet Lynn. In dit Johr wunn Schuba de eenzige Goldmedaille bi Olympisch Winterspelen un Olympisch Spelen för Öösterriek. Schuba weer en besünners stark Plichtfigurenlöperin, aber blots en dörsnittliche Kürlöperin. Wiel to hör Tiet de Plichtfiguren aber noch düchtig hooch bewert wurrn, kunn se hör swaaker Kür dormit immer weer utglieken. Se wurr van Leopold Linhart traineert.

För hör Goldmedaille in Sapporo wurr se an‘ 21. Dezember 1972 as Sportlerin van dat Johr in Öösterriek wählt.

Nah de aktiv TietÄnnern

Schuba gung nah hör Olympiasieg 1972 un vör de Inführen van dat Körtprogramm, wat hör Chancen minnert harr, eerst to de amerikaansch Iesrevue Ice Follies, denn to Holiday on Ice. Söss Johr lang weer se mit de Iesrevue in Noord- un Süüdamerika, Europa un Israel ünnerwegens.

Nah dat Enn‘ van hör Profikarriere hett Schuba van 1979 bit 2015 as Angestellte van de Wiener Städtischen Versicherung (intüschen Vienna Insurance Group) arbeit, wo se ünner annern Diplomaten un Beschäftigte van de UNO-City Wien betrüet hett. 1996 kreeg se dat Golden Ehrenzeichen für Verdienste um die Republik Österreich.[1] Schuba weer van 2002 bit 2006 Präsidentin van den Öösterriekschen Ieskunstloopverband un van 2004 bit 2009 ok Liddmaat van dat Öösterrieksch Olympisch Comité. För de Bewerbung van Soltborg för de Olympisch Winterspelen 2014 weer se as Olympia-Botschopperin tätig. Trixi Schuba is siet 2010 Ehrenpräsidentin van den Grazer Eislaufverein. Se is siether ok OK-Liddmaat van de Icechallenge, de gröttste Ieskunstloopveranstaltung van Europa up den ISU Klenner in Graz. Schuba weer maatgevend bi de Grazer Weltmeesterschapsbewarf för de wegen de Naturkatastrophe in Japan 2011 afseggt Ieskunstloop-Weltmeesterschapen bedeeligt. 2017 wurr Trixi Schuba in Colorado Springs in de Hall of Fame van den Ieskunstloop upnommen. Bi de World Figure & Fancy Championships, Vail, Colorado, is Trixi Schuba siet 2015 as Kamprichterin in de Jury tätig.

Siet 2017 ünnerstütt Trixi Schuba jung, bildende Künstler in Wien – in‘n Rahmen van hör Trixis.open.art.club!

PublikatschonenÄnnern

WeblinksÄnnern

Enkeld NahwiesenÄnnern

  1. Liste der Träger des Ehrenzeichens für Verdienste um die Republik Österreich. Afropen an’n 11. Dezember 2015.