Bernd Michael Lade (* 24. Dezember 1964 in Berlin) is en düütschen Schauspeler un Speelbaas.

Lade is in de DDR opwassen, woneem he toeerst en Utbillen as Bofacharbeiter maakt hett. Man dorna hett he en Studium an de Ernst-Busch-Schauspeelschool in Berlin afleggt. Gliek dorna harr he sien eerst Engagement in Frankfort an de Oder un weer ok in Feernsehfilmen vun’t DDR-Feernsehen to sehn.

In de Johren vör 1989 hett Lade sik to de Punk-Szeen vun Oostberlin tellt. He weer Slagtüüchspeler in de Musikgrupp planlos, wat een vun de eersten Punkgruppen in de DDR wesen is (Nicht to verwesseln mit de Grupp Planlos, de ut Grevenbroich kummt). Twüschen 1985 un 1990 weer he Singer bi de Aventgarde-Grupp Cadavre Exquis.

Na de freedlich Revolutschoon un de dormit verbunnen politisch Ännern füng Lade 1991 an de Filmhoochschool in Potsdam en Regiestudium an. In dat glieke Johr warrt he dör sien Rull as döösbarteligen Polizisten in den Detlev Buck-Film Karniggels un kort dorop ut sien faste Rull as Tatort-Kommisar Kain bundswiet bekannt. Sien eerste Film as Speelbaas is 1995 Rache, to den he ok dat Dreihbook schreven hett. 2005 speel he den Familienvadder Michael Thiel in de Kummedie-Serie Nicht von dieser Welt.

Filmografie (Utwahl) ännern

Johr Titel Funkschoon
1984 Kaskade rückwärts Schauspeler
1990 Der kleine Herr Friedemann, Feernsehfilm Schauspeler
1991 Karniggels Schauspeler
1991 Trutz, Feernsehfilm Schauspeler
1992-2008 Tatort, Feernsehreeg Schauspeler
1994 Verrückt nach Dir, Feernsehfilm Schauspeler
1994 Looosers! Schauspeler
1995 The Infiltrator, Feernsehfilm
dt.: Der Infiltrator
Schauspeler
1995 Rache Speelbaas
Dreihbook
1996 Jackpot, Feernsehfilm Schauspeler
1997 Dumm gelaufen Schauspeler
1997 Liebe Lügen, Feernsehfilm Schauspeler
1997 Der Wald, Feernsehfilm Schauspeler
1998 Kai Rabe gegen den Vatikankiller Schauspeler
1998 Viehjud Levi Schauspeler
1999 Vom Himmel das Blaue, Feernsehfilm Schauspeler
2000 Komm süßer Tod Schauspeler
2001 Null Uhr 12 Speelbaas
Schauspeler
2002 Die Reise nach Jerusalem Schauspeler
2003-05 Spur & Partner, Feernsehreeg Speelbaas
Schauspeler
2005 Nicht von dieser Welt, Feernsehreeg Schauspeler
2007 Heimweh nach drüben, Feernsehfilm Schauspeler
2008 Guter Junge, Feernsehfilm Schauspeler
2010 Transit Schauspeler
2011 Lindburgs Fall, Feernsehfilm Schauspeler
2012 Blutadler, Feernsehfilm Schauspeler
2015 Buddha’s Little Finger Schauspeler
2015 Das Geständnis Dreihbook
Speelbaas
Schauspeler
Produzent
2017 Loverboy
dt.: Ich gehöre ihm
Schauspeler

Weblenken ännern