Beuendörp (düütsch: Bojendorf) is een Dörp op de Insel Fehmarn un een Stadtdeel vun de Stadt Fehmarn in den Kreis Oostholsteen in Sleswig-Holsteen.

Geschicht ännern

In dat Waldemar-Erdbook vun 1230 is Beuendörp as Boyenthorp betekend, weer 6 mansi grot und harr 11 Landbesitter.

Dörpspeegel:

1709: Beuendörp harr 143 ha. Land, opdeelt op 11 Landbesitter.
1730: 14 Wahnhüüs, 7 Schüün, 3 Veehhüüs.
1833: 37 Hüüs, 62% mit Strohdack, 22% Gevel ut Breed
1854: 11 Hööf.
1872: Bi de Stormfloot sünd 17 Hüüs tweigahn un 8 Kreaturen afsupen.
1908: 14 Hööf, keen Handwerker, 47 Inwahners.

De Volksmund öwer Beuendörp:

Dee Beuendörper sparrt abends dee Sünn in Schapstall in ...
Dat is de Sünnenunnergang.
See is so lang as uns Sohtstang.
Too Beuendörp... too Beuendörp...
dohr wahnt dee Hawenlüde...
Dee Marlsdörper hett Licht ansteken
nu gaht bald to Puch.“

Beuendörper Hirtenleed

Dee Schap dee lop naa Beuendörp... von Beuendörp naa Püts...
Wenn dee Hund mit`n Schwanz an`n Dornpuß stött.
Un dee Harr sin Schaap op`n Thingsteen hött.
Wenn dee Katten mit dee Katers rümjaugt
un dee Schaapsherr sine Ollsch verhaugt.
Wenn deee Schaapsharr mit sin Hund rümnarrt
un dee Jungs dee Sünn in Schaapstall sparrt.“

Hüüt ännern

Hüüt sünd in Beuendörp blot noch veer Buern, dat meiste Geld ward in Tourismus verdeent.