Petersdörp op Fehmarn
Petersdörp op Fehmarn (düütsch: Petersdorf auf Fehmarn) is een Dörp op de Insel Fehmarn un een Stadtdeel vun de Stadt Fehmarn in den Kreis Oostholsteen in Sleswig-Holsteen.
- Grött: ca. 329 ha.
- Inwahners: ca. 500 (2002)
- Auto-Kennteken: OH (Oost-Holsteen)
- Telefonvörwahl: 04372
- Laag: Petersdörp is dat Hauptdörp in Westen vun Fehmarn in de Oostsee, Naberdörper sünd Lempendörp, Gollendörp, Kopendörp, Beuendörp, Schloosdörp un Dänschendörp.
Dat gröttste Dörp von Fehmarn hett ümmer een gröttere Rol speelen wullt, awer dat Dörp hett nie Stadtrecht kregen. Dat Dörp weer ümmer een Handwerkerdörp un keen Buerndörp.
Geschicht
ännernTon örsten Mol ist Petersdörp in dat Waldemar Erdbook as Pethaersthorp opföhrt woren. In düsse Tied hett dat Dörp 12 mansi Land hatt. De domalige Thingplatz weer in de Mitt vun dat Dörp. Hüüt is dat een Grönanlog neben den Dörpsdiek.
In dat Johr 1730 hett Petersdörp 125 Wahnhüüs, 22 Schüün, 25 Veehhüüs un 10 anner Gebüüd. In een List ut dat glieke Johr ward de Profeschoon vun de Lüüd optellt: dree Kramer, twee Barbeer, veer Bruer, twee Schmitt, twee Glaser, een Pelzmaker, een Radmaker, dörtein Schooster, veer Böttcher, fiev Drechsler, twee Timmerer, een Muermann un een Perücken-Maker.
Inwahnertahlen vun Petersdörp:
Kiek uk: Södermöhl (Petersdörp)
De Volksmund öwer Petersdörp:
- „Too Petersdörp... dohr hört man dee Hamer klingen
- Mit groote Herrn is meist nich goot Nöt eeten
- Kinner- und Kalwer-Maat - dat mütt dee Ohlen weten
- Dee Petersdörper Karktorn schweet - gifft anner Weder.“
Kark
ännernDe grote Kark vun Petersdörp mit ehr 62 m hoge Karktorn is 1250 boot woren. De Spitz von de Karktorn is een Orienteerungsmark för de Schipper in de westliche Oostsee.
School
ännernTon örsten Mol ward een School in Petersdörp 1596 noteert. In dat Johr 1757 hebbt se een Parochial- un een Distriktschool hatt. Kinner vun söss bit nein sünd na de Distriktschool gahn un dörna bit to de Konfirmatschoon na de Parichialschool. 1965 ward in Petersdörp een Dörpergemeinschapsschool inricht.