Birthe Kjær
Birthe Kjær (* 1. September 1948 in Aarhus, Däänmark) is en däänsche Slagersingersche.
Leven un Wark
ännernKjær ehr Loopbahn as Singersche füng al Enn vun de 1960er Johren an. Vun doran hett se meist jeed johr en Album rutbröcht. Se hett in de Johren 1980, 1986 un 1987 bi’n Dansk Melodi Grand Prix deelnahmen, dorbi aver nie wunnen. Man, in’t Johr 1989 hett se de däänsche Utwahl wunnen un hett dat Johr ehr Land bi’n Concours Eurovision de la Chanson 1989 in Lausanne vertrden künnt. Mit den Slager Vi maler byen rød hett se dat Johr den drüdden Platz beleggt. Dat Johr dorop weer se Moderatersche bi de däänschen Vörutwahl.
In de Charts harr se 2004 en Hit mit dat Safri Duo. Dat Leed Hvor ’vi fra? weer de Hymne för de däänsche Mannschop bi de Football-Europameesterschop 2004. 2005 harr se vör, bi de Dansshow Vild med dans deeltonehmen, also de däänsche Faten vun Let’s Dance, harr bi de Proven aver en Hartinfarkt. Se hett sik dorvun aver gau verhaalt. 2009 hett se noch mol de däänsche Vörutwahl to’n Eurovision Song Contest präsenteert.
Weblenken
ännern
- offizielle Websteed (Däänsch)
- Birthe Kjær in de Internet Movie Database (engelsch)