Däänmark
Dat Königriek Däänmark (däänsch Kongeriget Danmark [[ˈkɔŋəʀiːəð ˈdɛnmɑʀg]]) is en souverän Staat in dat nördlich Europa un en parlamentarsch Monarkie. To dat Staatsrebeet hörrn Däänmark un de Färöer, de beid geographisch to Nordeuropa hörrn, as ok Gröönland, dat to Nordamerika tellt. Dat Königriek Däänmark is dormit en interkontinental Staat. Dat Moderland, de Deel tüschen de Skandinaavsch Halfinsel un Middeleuropa, umfaat en Flach vun 43.094 km², 23.872 km² höört to de Halfinsel Jütland un de Rest besteiht ut Eilannen. Hööftstadt vun dat Land is Kopenhagen.
Däänmark is en vun de twalf Grünnensliddmaaten vun de (an' 4. April 1949 grünnd) NATO un siet den 1. Januar 1973 vun de Europääsch Union bzw. hör Vörgängerin EWG). De autonomen Rebeeden Gröönland un de Färöer föhren eegen Flaggen, hemm eegen Amtsspraaken un hörrn to de NATO, man nich to de EU.
De allenige Landsgrenz hett Däänmark to Düütschland. In dat dortige, ehmals däänsch Südsleswig leevt en däänsch Minnerheit In Däänmark gifft dat in dat tüschen 1866 un 1920 preußisch respektive düütsch Nordsleswig en süütsch Minnerheit. Dor is Düütsch anerkannt regionale Minnerheitenspraak as de Europääsche Charta der Regional- oder Minderheitensprachen dat bestimmen deiht.
Politik ännern
De Verfaten is demokraatsch. Königin is Margrethe vun Sleswig-Glücksborg.
Glederung ännern
Siet den 1. Januar 2007 af an is Däänmark indeelt in fief Regionen, de ut alltohoop 98 Kommunen bestaht. Kiek ok bi Amtsrebeden vun Däänmark.
| Region | Sitt | Inwahners | Rebeet in km² | Inwahnerdicht Lüüd je km² |
|---|---|---|---|---|
| Region Noordjüütland | Aalborg | 576.972 | 8020 km² | 72 |
| Region Middjüütland | Viborg | 1.227.428 | 13.053 | 94 |
| Region Süüddäänmark | Vejle | 1.189.817 | 12.191 | 97 |
| Hööftstadt-Region | Hillerød | 1.636.749 | 2.561 | 639 |
| Region Seeland | Sorø | 816.118 | 7.273 | 112 |
Städer ännern
Weblenken ännern
- Websteed vun Däänmark (däänsch, hoochdüütsch)
Wiktionary: Däänmark – Bedüdensverklaren, Woortherkamen, Synonymen, ÖversettenAlbanien | Andorra | Belgien | Bosnien-Herzegowina | Bulgarien | Däänmark | Düütschland | Eestland | Finnland | Frankriek | Grekenland | Iesland | Irland | Italien | Kosovo | Kroatien | Lettland | Liechtensteen | Litauen | Luxemborg | Malta | Moldawien | Monaco | Montenegro | Nedderlannen | Noordmakedonien | Norwegen | Öösterriek | Polen | Portugal | Rumänien | Russland | San Marino | Serbien | Slowakei | Slowenien | Spanien | Sweden | Swiez | Tschechien | Ukraine | Ungarn | Vatikaanstad | Vereenigt Königriek | Wittrussland | Zypern
Afhängige Rebeden: Färöer | Gibraltar | Guernsey | Isle of Man | Jan Mayen | Jersey | Spitzbargen