Black Creek (Belize River)

Black Creek
Laag	Belize
Stroomsystem	Belize River
Läng	21 km
Born	Crooked-Tree-Laguun
Münn	bi Gardenia in’n Belize River

De Black Creek is en üm un bi 21 Kilometer langen Stroom in’n Distrikt Belize von’n Staat Belize, de in’n Belize River münnt.

Verloop

De Black Creek spiest sik ut de Lagunen von Crooked Tree, en System ut langtagen Lagunen, dat von Noord na Süüd üm un bi 30 Kilometer meet. De gröttsten Lagunen sünd: Calabash Pond, Revenge Lagoon, Western Lagoon, Crooked Tree Lagoon un Spanish Creek Lagoon. De Steed, an de de Black Creek ut de Lagunen uttriddt, liggt üm un bi veer Kilometer in’n Süüdoosten von’n Oort Crooked Tree. Von dor flütt de Creek wieder na Süüdoosten. De Loop von’n Black Creek liggt meist kumplett in dat Crooked Tree Wildlife Sanctuary un dat gifft keen Öörd an’n Stroom. De Öörd Biscayne, Bob Eiley un Gardenia doot all en poor Kilometer af op de linke Sied von’n Stroom liggen.

Kort vör de Münn in’n Belize River föhrt de Straat von Gardenia na May Pen mit en Brügg över’n Black Creek.

Historie

As de Europäers Belize besiedelt hebbt, sünd se toeerst den Belize River un den Black Creek hoochföhrt. Crooked Tree weer in dat 18. Johrhunnert de eerste europääsche Oort in dat Binnenland von Belize.